(for an English version, click here)
utala musi pi toki lili pi lipu suli
o pana e pilin sina lon lipu ni!
tenpo pi pana pilin li lon!
o lukin e lipu e toki o kama sona e pilin sina tawa ona. sina wile toki e pilin sina la sina ken lon kulupu sina! awen la o toki ala e ni: sina sitelen e lipu seme.
toki lili
kulupu li pana e toki lili LLLW tawa mi!
lipu suli
kulupu li pana e lipu suli LLTW tawa mi!
mi en waso Kaka en monsuta pi ma kasi
sona namako
lipu seme li suli? lipu seme li lili?
musi la mi nanpa e mute nimi pi lipu ale. mute nimi lipu li suli la mi pana e lipu lon sewi. mute nimi lipu li lili la mi pana e lipu lon anpa.
- Nasi (suli mute mute a)
- mi en waso Kaka en monsuta pi ma kasi (suli mute)
- nasin nasa pi jan Mupa (suli)
- pilin pipi (suli lili)
- ilo wawa pi ma Toli (suli lili)
- moku pi telo loje (suli lili)
- jan mun (suli lili)
- tenpo pini weka (lili)
- kili (lili)
- tawa suli soweli (lili)
- ilo sitelen wawa (lili)
- ilo toki (lili)
- mama sewi pi unpa ala (lili)
ijo pi lipu musi li ken ike e pilin mi la mi o seme?
insa pi lipu ale la mi pana e ijo pi ken ike lon anpa sitelen sama ni:
o sona e ken ike lon lipu ni
- ike nanpa wan
- ike nanpa tu
sina wile lukin e sona la o luka e sitelen. sina wile ala lukin la o luka ala e sitelen.
mi lukin e lipu e toki. mi o pana e pilin mi lon seme?
sina pana ike e lipu mi a!
ni li lon la o toki e pakala mi tawa mi (ilo Siko la @raacz106, nasin ante la tokipona(sike lili)sasalin(sitelen a)gmail(sike lili)com).
lawa pi utala lipu ni li lon seme?
sina wile la o lukin e lawa pi utala ni
o lukin e utala pini
- utala pi sitelen ma pi tenpo #MAMTW)#T)#W la kulupu pi ma pona li wile e sitelen musi sin lon ilo Siko. sitelen mute li kama. taso sitelen seme li pona nanpa wan?
- utala pi musi mu pi tenpo #MAMTW)#L)#LLLW la o lukin e musi tawa e musi kalama e musi lukin o kama mu suli tan pilin musi wawa!
- utala pi lipu musi lili pi tenpo #MAMT)#LTW)#LW la jan mute li sitelen e lipu soweli e lipu monsuta e lipu olin e lipu pona!
- utala pi sitelen ma pi tenpo #MAMW)#LT)#W la kulupu li pali e sitelen musi tawa ni: ma pona pi toki pona li seme lukin tawa jan lon ilo Siko?
- utala pi lipu kalama tawa pi tenpo #MAMW)#T)#LTW la kulupu li kama e lipu suli tawa ni: jan li ken kalama e ona lon poka!
- utala pi toki musi pi tenpo #MAM)#LLW)#LLW la kulupu li pali e toki musi lili mute! musi pi jan seme li pona tawa kulupu tawa jan Sonja?