olin kijetesantakalu

tan jan Kiwisin tan jan Telupiso

mute nimi: suli lili, LLTAMMMLW

lipu open:

lipu lili pi lipu ni li:

lipu open

lipu nanpa wan:
tenpo open

lipu nanpa tu:
nasin sin

lipu nanpa tu wan:
ma pi lon ala

lipu pini:
tenpo ni

lipu nanpa wan:

tenpo open

kijetesantakalu li lon ma. ma ni li jo e kasi e kiwen. ona li pilin pona li tawa kepeken noka. ona li wan taso.

ona li wile moku, li lukin e kasi lili. ona li pakala e kasi kepeken uta ona. ona li moku e kasi pakala. ona li toki e ni:

mu mu, mu (moku ni li pona)

ona li pini moku, ona li pilin pona. taso, ona li kama sona e ni: kijetesantakalu ante li lukin e ona lon ma weka. taso, ona li weka e kijetesantakalu ante. ona li pilin e ni: ni li suli ala.

ona li wile moku sin, li lukin e ma. ona li moli e pipi lili kepeken uta ona. ona li moku e pipi moli. ona li toki e ni:

mu mu mu, mu mu (moku ni li pona mute a)

ona li pini moku. ona li pilin pona mute. tenpo ni la, ona li wile ala moku tan ni: insa ona li jo e moku mute tawa ona.

ona li wile kama sona e kijetesantakalu ante. lawa ona li wile alasa e kijetesantakalu ante tan ni. ona li tawa poka pi kasi suli. ona li pali e kalama lili.

tenpo ni la kalama suli sewi li kama lon! kijetesantakalu ante li tawa kepeken tenpo lili! ona li pilin ike tan ni: tenpo ni la ona li ken ala lukin e kijetesantakalu ante.

ona li alasa e kiwen kasi tawa ni: ona li wile pali e tomo. tenpo lili la, ona li pali e tomo. ona li tawa tomo li lape.

kijetesantakalu ante li kama lon poka ona. kijetesantakalu ante li lukin e ona tan ni: ona li lukin suwi tawa kijetesantakalu ante. kijetesantakalu ante li pilin pona tan ni. kin la, kijetesantakalu ante li pilin lape. tan ni la ona ante li lape lon poka ona.

suno li tawa sewi, tenpo suno sin li kama lon. ona li pini lape. ona li lukin e ni: kijetesantakalu ante li lape lon poka ona. ona li tawa, taso ona li pali e kalama lili.

ona li awen tan ni: tenpo pi pini lape la ona li wile toki tawa kijetesantakalu ante.

kijetesantakalu ante li pini lape. kijetesantakalu ante li pilin monsuta tan ni: ona ante li lon poka ona. tenpo ni la, ona ante li pini sona e ni: ona ante li wile kama sona e ona.

kijetesantakalu ante li tawa wawa tawa ma nena. kijetesantakalu li lukin e lupa noka pi ona ante lon ma. ona li toki e ni:

mu mu mu, mu mu. mu mu mu? (n, ona li weka. taso ona li weka tan seme?)

ona li pilin e ni: ona li wile ala wile alasa e kijetesantakalu ante? tenpo ni la ona li wile awen.

mu mu mu… mu mu mu mu! (tenpo seme la… ona li kama!)

tenpo suno sin li kama. mun li tawa. tenpo kama la ona li pilin e ni: ona li wile tawa ona ante.

lipu nanpa tu:

nasin sin

ona li toki e ni:

mu… mu mu mu, mu? (n… ona li lon ma seme?)

ona li lukin e lupa noka pi ona ante lon ma. ona li tawa kepeken sona ni.

ona li tawa. suno li weka. ona li ken ala tawa tan ni: kiwen suli li lon. ona li pilin e ni: kepeken nasin seme la ona ante li ken awen tawa? kiwen mute li suli mute a!

ona li lukin e ma lon monsi ona. ona li lukin e ni: kijetesantakalu ante li lon. kijetesantakalu ante li toki e ni:

mu mu… mu, mu mu..? (n… nimi sina li seme..?)

sinpin ona li kama loje lili. ona li toki e ni:

mu… mu mu mu mu. (a… nimi mi li kijetesantakalu Kije)

ona ante li toki kin e ni:

mu mu mu mu. mu mu— (nimi mi li kijetesantakalu Keli. sina wi—)

kiwen suli li tawa anpa li tawa e kijetesantakalu Keli. kijetesantakalu Keli li tawa anpa li pini toki tan ni. kijetesantakalu Kije li kute e kalama pi kiwen suli. tan ni la ona li tawa wawa.

luka tu pi kijetesantakalu Keli li lon selo kiwen nena. kijetesantakalu Keli li lukin e jasima lon telo suli.

ni la kijetesantakalu Kije li tawa ma pi kijetesantakalu Keli. ona li pona e kijetesantakalu Keli. kijetesantakalu Keli li pana e telo tan oko ona. kijetesantakalu Kije li jo wawa e kijetesantakalu Keli. olin wawa li lon. kijetesantakalu Kije li tawa sewi e kijetesantakalu Keli.

tenpo lili pi kalama lili li lon. kijetesantakalu Keli li jo wawa e kijetesantakalu Kije. kijetesantakalu Kije li pilin lape tan ni: ona li weka e moli kama pi kijetesantakalu Keli.

kijetesantakalu Keli li pilin lape kin. ni la ona tu li alasa e ma lape.

ona tu li lukin e nasin telo li tawa ma pi poka ona. ma ni la, ona tu li lukin e kasi suli. kasi suli li pimeja e ona tu. suno li weka la, ona tu li kama lape.

lipu nanpa tu wan:

ma pi lon ala

sitelen lape pi kijetesantakalu Kije la kijetesantakalu Kije li lukin e poka ona. kasi suli pi kule mute li lon li tawa kepeken tenpo suli.

mu… mu mu mu mu? (nn… mi lon ma seme?)

ni la kalama uta suli li toki e ni:

kijetesantakalu Kije o… o tawa mi…

kijetesantakalu Kije li pilin monsuta tan ni. taso ona li tawa ma pi kalama uta suli. ona li lon ma ni lon tenpo ni. ona li ken kute e kalama waso suwi. telo pi tawa anpa li lon ma ale.

mu mu mu mu, mu mu? (ni li ma sewi, anu seme?)

tenpo ni la ona li ken lukin e kijetesantakalu ante. kijetesantakalu ni li seme? kalama uta pi kijetesantakalu ni li toki e ni:

mu mu… (o kama…)

kijetesantakalu Kije li toki e ni:

mu mu mu? (sina kijetesantakalu seme?)

ona li ken ala kute e toki. ante la ona li tawa ma pi kijetesantakalu ante. tenpo ni la kijetesantakalu Kije li ken lukin e ni: kijetesantakalu ni li kijetesantakalu Keli! ona li lon ala poka pi kijetesantakalu Keli la kijetesantakalu Kije li pini lape. tenpo ni la kijetesantakalu Keli li lape ala kin.

kijetesantakalu Kije li toki e ni:

mu… mu mu mu mu mu mu… (n… mi sitelen lape nasa…)

ni la kijetesantakalu Keli li toki e ni:

mu, mu mu. mu mu mu mu mu mu mu. (a, mi kin. mi la sina lon sitelen lape mi.)

toki ni li nasa e kijetesantakalu Kije. ken la kijetesantakalu Keli li olin mute e kijetesantakalu Kije. kijetesantakalu Kije li toki e ni tawa ona:

mu… mu mu! mu mu mu mu mu! (nn… mi kin! sina lon sitelen lape mi!)

kijetesantakalu tu li kama nasa li kama musi tan ni! ona tu li mu musi. ijo wan li lon li ni: olin mute li lon. ni la kijetesantakalu Keli li wile sona e ni:

mu mu mu mu mu mu mu mu: mu mu mu mu? (ken la sina wile ala wile e ni: sina kijetesantakalu olin mi?)

lipu pini:

tenpo ni

kijetesantakalu Kije li toki e ni:

mu! mu? mu mu mu mu, mu? (a! seme? sina olin e mi kin, anu seme?!)

sinpin pi kijetesantakalu Kije li kama loje lili. kijetesantakalu Keli li toki e ni:

mu mu mu— (lon, mi olin e—)

kijetesantakalu Keli li wile toki. taso kijetesantakalu Kije li kama selo wawa e kijetesantakalu Keli la, ona li ken ala toki.

kijetesantakalu Keli li uta e kijetesantakalu Kije.

sin la, olin wawa li lon.