jan sitelen pi toki pona o!

tenpo wawa li lon!

pali seme li wile?

• o sitelen e lipu lili o pana e ona tawa mi lon tenpo wile.

lipu o seme?

• lipu o kepeken toki pona taso.
• lipu o musi.
• lipu la o ante ala e lipu lon tan toki ante tawa toki pona. lipu o sin!
• mute nimi o suli tawa LA/luka ale (ale ale ale ale ale).
• o pana e pali sina taso. o pana ala e pali pi jan ante.

mi o toki e seme lon lipu?

• o toki e tenpo pi lon ala e ijo pona pi wile sina!
• taso o ike ala. o sewi ala e nasin ike. o toki wawa ala e unpa e pakala sijelo.

tenpo seme la mi wile pana e lipu?

• lon sike #MAMT/mute ale mute tu lon tenpo mun #LT/luka tu lon tenpo suno #LLL/luka luka luka.

mi wile pana e lipu lon seme?

• o pana e lipu sina tawa mi (jan Lakuse) kepeken ilo Siko (Raacz106#5873) anu kepeken ilo lipu (tokipona.sasalin@gmail.com).
• o pana e sona! o pana e nimi sina pi toki pona, e nimi sina pi ilo Siko. kin la o pana e nimi pi lipu sina.

utala li seme?

• pana lipu li pini la ale li kama lukin e lipu li kama toki e pilin ona. mi kama sona e ni: lipu seme li pona nanpa wan tawa kulupu?
• ni la, o pana ala e lipu sina tawa jan mute o toki ala e insa lipu tawa jan mute. tenpo lukin la ale o sona ala e ni: jan seme li pali e lipu.
• tenpo lukin li pini la sina ken toki e ale!

mi wile sona e ijo ante seme?

• sina ken pana e lipu mute!
• o sona e ni: mi kama awen e lipu sina lon ilo ni la jan ale li ken lukin e ona. ni li ike tawa sina la o pana ala!
• sina pana e lipu li kama wile ante e ona la sina ken pana sin e ona tawa mi!