aaaaaaa
aaaaaaaaaa
kalama wawa
kalama suli
aaaaaaaa
kalama laso
pi tenpo kasi
aaaaaaaaa
kalama nasa
kalama pilin
aaaaaaa
kalama loje
pi pakala mi
aaaaaa
kalama musi
kalama pona
aaaaaaaaaaaa
kalama jelo
pi suno sin
aaaaaaaa
kalama uta
kalama sewi
aaaaaaaaaa
kalama wile
pi olin kin
o tawa, o noka
o kama, o poka
o kute e ken pi kalama ni
o kute e kalama ale mi
akesi linja li pilin ike
te
zz
zz to
te
zz
zz
zz to
te
zz
zz
zz to
te
zz
zz
zz
zz to
akesi linja li pilin ike
“mi jo ala e luka e noka
akesi li jo
mi wile jo”
akesi linja li toki tawa akesi
akesi li pilin ike
“mi jo e luka e noka
taso mi jo ala e luka waso
akesi suli li jo
mi wile jo”
akesi linja li toki tawa akesi suli
akesi suli li pilin ike
“mi jo e luka waso
taso mi jo ala e tenpo ale
mun lili li jo
mi wile jo”
akesi linja li toki tawa mun lili
mun lili li pilin ike
“mi jo e tenpo ale
taso mi jo ala e wile
sina jo
sina ken wile
sina ken alasa”
o lukin kepeken sitelen Lasina
akesi
o lukin kepeken sitelen Lasina
kon li wawa kepeken utala
kulupu kiwen li len ma
kasi wan taso li suli
kasi ante li pali tu
kili li suwi lon anpa
mi lukin li wile sona
sina moku pona e pali ante li pilin ike ala
olin seme li tan ni
kon li kama pini ala
mi weka li sona nasa
kasi wan taso li musi
kasi ante li selo sama
ale li pona lon anpa
ale li kama lon kepeken seme?
ale li kama lon kepeken seme?
tenpo open la, ale li pimeja.
waso pi tenpo ala li lon wan.
tenpo wan la, waso li mama e sike.
sike ni li sike seli jelo.
taso, sike li suli la, waso li ken ala awen e sike.
ni la, ona li tawa e sike tawa sewi.
sike ni li awen lon sewi lon tenpo ni.
ona li suno pi sona sina.
waso li pilin ike ike lon tenpo suli.
ona li pali ala li lape taso.
kama la, waso pi tenpo ala li mama e sike sin.
sike ni li sike lete walo.
taso, sike li lili la, ona li tawa kon li weka tawa sewi.
sike ni li awen lon sewi lon tenpo ni.
ona li mun pi sona sina.
waso li pilin ike ike lon tenpo suli.
ona li pana mute e telo lukin.
telo lukin ni li awen lon sewi lon tenpo ni.
ona li mun lili mute pi sona sina.
kama la, waso pi tenpo ala li mama e sike sin.
sike ni li sike laso.
sike ni li suli ala li lili ala.
ona li pona tawa waso.
taso, waso li wile lape la, waso li tawa weka.
sike ni li awen lon tenpo ni.
ona li ma ale pi sona sina.
sina en mi li lon sike ni.
jan pi sona wawa li toki e ni:
tenpo suli kama la, waso pi tenpo ala li kama sin.
ona li awen e sike pi ma ale.
kama la, sike li kama waso sin.
ma ale en tenpo ale li pini lon tenpo ni.
taso, ma sin en tenpo sin li open.
“waso suli o,
sina lon seme?
sina tawa seme a?
waso suli o kama tawa mi.
mi awen tawa sina tan open tenpo”
ante
mi tawa telo
tan ma awen
telo li ante
mi lukin lon monsi la
telo li lon
mi tawa
mi sona e ma awen
sona li awen ala
telo li ante
mi lukin lon sinpin la
ma li lon
mi tawa
mi lape pona lon ma
mi pilin awen
telo li ante
mi lukin lon anpa la
telo li lon
mi tawa
waso en kala en jan li lon
nasin ante
telo li ante
mi lukin lon sewi la
kalama li lon
mi tawa
tenpo li weka
e suno e wawa
telo li ante
mi lukin lon insa la
pimeja li lon
mi tawa
mi sona ala li nasin ala
pimeja li lon
telo li ante
mi lukin lon poka la
jan li lon
mi tawa
ona li jo
e suno e seli
telo li ante
mi lukin lon insa la
olin li lon
mi tawa
suno li sona
seli li olin
telo li ante
ante li awen
ma a!
jan Antu
jan pona mi o
jan pakala sin o,
sina ken ala ken
kama tawa tomo mi
lon tenpo sike sin?
jan pona mi o
sina kama ijo
tenpo wan la sina ken jan,
taso kute mi la sina toki taso
ken la mi ale li kama tawa tomo sina.
mi tawa musi tawa pini pi sona mi.
mi tawa musi tawa pini pi lon mi la,
sina awen ala awen jan pona mi,
sina, mama tu, en lawa mi?
tenpo poka la
mi tawa tomo sina
“jan pona seme ante li
pilin wile ala tawa ijo mi?”
mi ken toki
e seme?
sinpin li pini e mu mi tawa sina tu
o pana e luka sina lon luka mi,
o toki e ni:
sina moli la
sina awen ala awen jan pona mi?
sina, mama tu, en lawa mi?
tenpo poka la
mi lon tomo sama
lon telo la mi tu li ken
toki e wile mi tawa tenpo kama
sina awen ala awen e sona ni?
sina awen ken pilin sama jan
la sina wile ala wile e olin mi?
sina ante ala ante e linja lawa sina?
mi tawa poki sina la,
mi awen anu seme sona e sinpin sina
e sinpin mi?
mi ken la,
mi tu o tawa musi tawa pini mi.
jan Petani en kalama musi ona
jan Petani li jan kalama musi. ona li meli. ona li tan ma tomo Potulan. tenpo ni la ona li lon ma tomo Nuyoka. ona li musi e ilo kalama musi linja ona.
ona li sitelen e sitelen musi. ona li toki musi e olin e lon.
tenpo pimeja la ona li luka e ilo kalama musi linja ona tawa tomo pi telo nasa. ona li musi e kalama musi lon tomo pi telo nasa. jan mute li lon tomo pi telo nasa. sitelen musi ona li pona tawa ona mute. ona li pini e kalama musi. ona e jan olin mute ona li toki pona.
jan Ema li jan olin pi jan Petani. ona li meli. ona li jan pona pi jan Petani. ona li tan ma tomo Sikago. ona li jan mama musi. ona li pali e sitelen kule.
kama la jan Petani en jan Ema li tawa e tomo moku. ona mute li moku e moku mani insa pan. ona mute li moku e telo kon kili loje jelo. ona mute li toki mute e kalama musi e sitelen kule e olin e lon. jan Petani li toki e ni: olin e lon li suli tawa ona. ni tan ona li sitelen e sitelen musi mute. sitelen e sitelen musi li pona tawa ona.sitelen musi pi jan Petani li pona tawa jan Ema. jan Ema li sona mute e sitelen musi pi jan Petani. jan Ema li pona tawa jan Petani: jan Petani li pona tawa jan Ema. ona mute li pilin e pona.
kasi lili
| | ︀ |
| | |
| | |
| | |
| | |
| | |
| | |
| | |
o lukin kepeken sitelen Lasina
| jan li kama tawa lon | lon li pona namako |
| sewi la ale li laso | laso li telo suno |
| telo la jan li kala | kala li tawa musi |
| ma la jan li soweli | soweli li lape suwi |
| poka noka mute li kasi | kasi li len pona |
| kule mute li sitelen len | len li selo ona |
| sike jelo li kama anpa | anpa li linja utala |
| sewi en anpa li wan | wan pi kule sama |
lape pona
jan lili o, lape pona.
sina pali e mute lon
tenpo suno pini. sijelo
sina li wile lape.
jan lili o, lape pona.
o pini e oko sina,
o lukin e pona mute,
tan ni: sina ken lukin e
ni lon lape sina taso.
jan lili o, lape pona.
supa sina li suwi la
sijelo sina li pilin
pona. mi olin e sina,
la pilin sina li pilin.
jan lili o, lape pona.
tenpo kama li utala a.
sina pilin e ijo ike.
ni li pakala e sina.
tenpo ike ni la, sina
ken ala lape la
sina ken ala weka
tan ike sina a. ni la,
sina ken awen lape la,
jan lili o, lape pona.
lipu pi jan tu weka
pali pi sitelen toki
pali pi sitelen toki la, mi alasa
weka e weka pi mi tu. mi
awen pona lon poka sina lon lipu.
sewi li pana e pona ni; ijo
ante ala li ken lon e sina.
tenpo pi kalama ala
tenpo suno pi kalama ala
la, lipu sina li lon poka mi.
tenpo ante mute la, mi lukin.
ni la, lipu sina li supa ala.
selo ona li sike tawa sewi.
lipu sina li sama luka open
tawa lukin mi. sitelen ale
sina li sama kasi open lili.
ona li kama suli tawa suno.
tenpo ni la, mi lukin e lipu
la, pilin mi li kama suli
tawa sewi, tawa sina kin.
oko pi mi tu li awen tawa
sewi la, lipu sina li lon luka
mi la, weka sina li ike ala,
kalama ala li ike ala kin.
lon supa lipu
o kama lukin e supa lipu mi. ona la lipu mute a li lon.
- lipu musi en lipu sona.
- lipu nasa en lipu pona.
- lipu suli en lipu pi suli mute.
- lipu meli en lipu mije en lipu tonsi
- nimi en toki en nasin jan!
lipu mute a li awen tawa ijo ni wan taso: mi lukin e ona.
lipu o! o pilin ike lon sona ni: tenpo ala la mi kama lukin e sina.
ala, mi pi tenpo ni li sama ala mi pi tenpo pini. mi ken ala awen lukin e lipu pi sitelen walo pimeja pi tawa ala.
tenpo poka la mi kama lon poka pi akesi ni: ona li jelo walo laso loje li suli mute li ken ante e sijelo. mu suli la lipu mani mute kasi laso li pana waso tan uta ona. suno suli en kalama wawa la sijelo ona li kama linja li kama lon lupa lili insa pi lukin mi.
akesi li tawa sike li kama selo pi lukin mi tu. tenpo ni la mi lukin e ma lon ala. ONA taso li lawa e lukin mi.
ni la, lon supa lipu mi la lukin ale mi pi tenpo kama li weka. sina kama ala lukin e mi, lipu o.
tan akesi la mi weka ale tan pona sina.
ma sin
mi tawa. mi pi jan poka ala li tawa. nasin li ike. kon li ike. pimeja li lon ale. mi ken ala lukin e ijo. mi tawa kepeken noka lon tenpo mute. mi pilin monsuta, taso mi tawa kin!
tenpo sin la mi lukin e suno lili lon ma weka. mi tawa suno. tenpo ni la mi suli e tawa mi. mi wile kama jo e suno lon tenpo lili. mi wile e suno. mi wile lukin e nasin mi kepeken suno. mi toki insa e ni: mi tawa lon poka suno la mi lukin pona mute. tenpo kama la mi ken alasa e nasin sin.
mi kama lon suno. suno li lili. mi ken lukin a kepeken ona! mi lukin e ma e nasin e sijelo mi. mi pilin ike. sijelo mi li kama ike tan ni: tenpo pini la mi tawa mute, mi tawa lon ijo ike mute. noka mi li kama ike kin.
taso, tenpo ni la mi jo e suno a! nasin ike li pini. pimeja li pini kin. sinpin li lon. sinpin pi pona lukin a! sinpin li jo e nena. mi luka e nena la sinpin li kama lupa. a! mi lon ma sin. mi lon ma pona a!
mi lukin e ale. tomo li lon. telo li lon. kasi en soweli li lon. ilo en poki en moku li lon. jan mute a li lon. ona li pona. ona li toki pona tawa mi, li pona e mi. mi lon seme? mi toki insa.
mi lukin sin e ale. a! mi kama sona e ni: ma ni li ma pona pi toki pona. tenpo ni la mi pilin pona. ale li pona.
mi kama suli
mi suli a tawa jan lili la ona li wile e suli mi kin
mi toki e nasin pi sijelo nasa la ona li ken sona sin:
“mi moku e telo li moku e kili li kute e toki tan mama
la tenpo li kama la mi kama ante e suli li suli e wawa”
jan lili li kute e sona ni taso la ona li wile e lon
mi pini e lili pi sona ni mute li alasa suno e kon:
“jan lili li open la ona li lanpan e sitelen nasin tan mama
lon tenpo la ona li kama jan suli lon nasin pi sijelo sama
kin la mama li pali li pana e tenpo e olin e moku e sona
la jan lili li kute li nasin jan sama tan nasin pi mama ni pona”
jan lili la toki li pini a — ona li tawa li musi li mu…
taso toki li ali la lon mi li ante tan tomo pi jan mama tu
mama wan mi li lon ni li pona e ali li alasa pana e sona
taso ona li anpa tan lawa mi sewi la suli li tan ala ona
mama ante mi pini li awen lon sewi li ken ala awen lon poka
taso lon moli ala la ona li sewi tan suli pi palisa noka
mama moli la sona mi weka la alasa insa la lili li kama
taso mi kama suli la mama li toki e pona pi kama mi sama
mun en kon en tenpo
mun walo
mun walo lon
laso pimeja
pi sewi, pi telo
kon telo
kon telo li
len e nena
tan lukin mi
tenpo pini
tenpo pini
li weka tan
tenpo lon mi
la ken ante
kin li weka
nasin ike ma
a.
mi open.
suno li sin.
lape mi li weka.
mi ken ante e ni
li alasa ala.
suno wawa.
seli li lon
li jaki e mi.
mi ken ante e ni
li alasa ala.
jaki mi.
sijelo pakala mi.
li anpa e mi.
mi ken ante e ni
li alasa ala.
telo sewi
li sewi ala.
ma li ko taso.
mi ken ante e ni
li alasa ala.
jan.
ma la
jan li toki.
ona li mu kin.
ijo li pana e sona e pilin e ala kepeken kon kepeken sijelo kepeken lipu
li sewi ala a.
mi sona ala e nasin li ken seme li seme e ijo poka li pali
mi sona ala a.
ni li ale
mi seme
ike
mi ken ante e ni. mi
alasa
o lukin kepeken sitelen Lasina
a.
mi open.
suno li sin.
lape mi li weka.
mi ken ante e ni
li alasa ala.
suno wawa.
seli li lon
li jaki e mi.
mi ken ante e ni
li alasa ala.
jaki mi.
sijelo pakala mi.
li anpa e mi.
mi ken ante e ni
li alasa ala.
telo sewi
li sewi ala.
ma li ko taso.
mi ken ante e ni
li alasa ala.
jan.
ma la
jan li toki.
ona li mu kin.
ijo li pana e sona e pilin e ala kepeken kon kepeken sijelo kepeken lipu
li sewi ala a.
mi sona ala e nasin li ken seme li seme e ijo poka li pali
mi sona ala a.
ni li ale
mi seme
ike
mi ken ante e ni. mi
alasa
nasin mi
o lukin kepeken sitelen Lasina
[jan pali pi musi ni li sitelen e toki lon leko. linja nimi pi selo leko lasina ken lukin e toki lon nasin tu: tan sewi tawa anpa, anu tan poka open tawa poka pini.]
tan sewi tawa anpa
nasin tenpo li mi. mama taso li kule la, tenpo pi wile open kin taso li kama ali. kule ni pona li kepeken. o olin lon. suli li mute jan ala. tenpo kulupu wile en mute ma weka li ali li pakala kama e pona. jan li tan ken li tawa li ni: olin jan li weka sinpin. kule wile li wawa ala ona li kama e sina ala la, mi sina li suwi weka lili. kasi tenpo li ante anu ike nasin e olin mute e pini awen. o seme namako? mi kulupu mani ilo. kule weka li kama.
tan poka open tawa poka pini
nasin pi pona ala li tawa li mi anu seme? tenpo wile li tenpo pakala li wawa sina. ike namako li open kepeken kulupu kama. ni ala li nasin mi. mi kin o wile e olin ona suwi e kulupu mama. taso, olin en pona jan li weka. olin mani taso li lon. mute jan li kama lili. mute ilo li kama suli. ma li weka e kasi e kule. kule ali li weka tan sinpin sina. tenpo pini weka la, kule mute li ken. kule ala li awen li tenpo ni. jan ali li wile la, ante o kama!
nasin
nasin li pimeja sina
sina lon seme? kon o
nasin la kon mi li lon
ale li open tan sina
jan nasin o kute e ni
nasin kama li lon ala
nasin li pali lon tawa
li pali lon tenpo ni
sina sike tawa monsi
la sina lukin e ni
nasin pi kama ala sin
a nasin ala li poki
ike en pona li kama
li tawa lon tenpo nasa
o alasa e ale lon kon
ale li tawa li ko
[nimi ala]
kepeken kule la
soweli lete li
alasa seli
o awen lili
mi tawa lon ma ni,
mi wile ala kama suli.
mi wile ala tawa suno,
ken la jo e ona.
mi tawa tan wile moku e kasi,
tan wile pilin e luka pi jan pi pilin pona,
tan wile lon lili taso.
mi lon tan ni:
kute e kon li musi lon palisa kasi.
suno sin li tawa suli lon insa mi.
mi awen kepeken luka,
mute ala li toki,
taso pilin li lon.
mi tawa,
la mi wile ala jo.
mi lukin taso:
suno li tawa lili lon palisa sijelo,
pakala li toki e ni:
“o awen lili.”
mi lon,
la mi wile ala tan suli.
mi wile tan pilin suli pi lon taso.
o esun!
lon tomo sina la sina pilin ike suli a! taso, sina esun la, ale li kama pona. sina pakala. taso, esun li ken pona e sina. ni li nasin taso. sina wile kama pona la o esun!
len sina li majuna. ilo sina li pakala. sina pilin ike nasa. lon sina li kama anpa. sina wile e ni: ike ale li weka. sina kute la mi ken pana e ni tawa sina.
o lukin! ijo sin! ijo ante kin! esun li jan pona sina. ona li pana e pona tawa sina. sina wile esun e ijo sin, anu seme? mi sona: sina wile.
o esun! o esun e len e suwi e moku e supa e ijo e mute e ale!
toki insa la, o kute ala e ona. ona li ike li toki e lon ala. o kute e mi. mi ken pona e sina.
mani li pana pona. mani li ken e ale. ma li tawa sike tan mani. ale li mani. mani li ale. sina kepeken e mani la sina pilin sama jan sewi.
ni la o kepeken e mani sina. mani li pona e sina. sina wile kama pona, anu seme?
ijo ale sina li ike. sina jo e ona la sina ike kin. o weka e ona! o esun e ijo sin!
o esun, o esun, o esun, o esun! o esun e suno lon sewi. o esun e mun kin! o esun e ma! o esun! o esun e ale…
kon sina kin.
o
o lukin kepeken sitelen Lasina
jan pali li sitelen kepeken nasin pi ‘leko pona’.
(sina lukin tan sewi lon nasin pi ilo tenpo la)
(leko pona la)
o pali e pona
o mama e jan
o toki e suwi
o utala e ike
o pilin e wawa
o pana e sona
(sitelen pona la)
o ale, o ale, o ale
olin la
mi wile sona.
mi wile sona e sina.
ni la mi lukin e sina:
sina toki e seme li kute e seme?
sina alasa e seme li jo e seme?
sina esun e seme li pali e seme?
sina ken e seme li ken ala e seme?
sina pana e seme li kama jo e seme?
sina open e seme li pini e seme?
taso suli la sina wile e seme.
ken la sina wile sona e sama tawa mi.
mi tu li wile sona e wile ante.
mi tu li alasa e sona ni.
sona ni la mi tu li ante.
mi ante tawa wile sina.
sina ante tawa wile mi.
pini la mi tu li ante.
ni la mi tu li olin ala.
toki ala la jan li ken ala sona e wile jan.
open la wile mi li sina.
open la wile sina li mi.
pini la mi mi ala.
pini la sina sina ala
o toki tawa jan olin.
olin li kalama
olin li sama kalama
kalama li sama olin
olin li kama pakala la
olin li kama sin
sina wile e kalama
mi wile e olin kin
olin li sama pakala
pakala li sama olin
olin
o lukin kepeken sitelen Lasina
len li selo e noka
len li jo wawa
len li awen e mi
tan lete. taso
seli li kama ike
mi wile weka e len
la len li selo ala e noka
pipi lili
pipi lili li kama tan sewi
tawa luka mi.
ona li pimeja li walo.
noka ona li linja.
ona li awen lon luka
li uta e selo
li moku e telo.
mi wile luka suwi e ona,
taso, mi ni la, ona li monsuta anu moli.
ni la, mi ni ala.
mi ken lukin e insa ona
e moku ona
e telo mi.
mi ken ala pilin e uta linja ona.
ona li pini moku
li awen ala
li tawa weka.
ona li pakala ala e mi.
sina
lupa wan li lon
insa lawa mi. sina
ken lon insa ni
soweli Pon li kon
tenpo pini la, soweli Pon li lon.
soweli ni li kon.
soweli Pon li suwi,
soweli li suli
soweli ni li soweli kon Pon!
tawa sina
toki. tenpo suli la mi toki ala tawa sina. sina pona ala pona?
tenpo ni la, mi lukin e lipu pi tenpo weka. pilin pi jan ante li lon lipu sama telo pimeja. mi lukin e ni taso.
mi pali e ni la, mi pilin e ni: toki mi li wawa ala. toki mute mute li lon ma. jan ale li toki. taso, toki mute ni li weka. insa pi telo suli ni la, toki mi li jo e kon seme? ken la, toki sina en toki mi li tawa sewi li weka taso. tan ni la, toki li musi ike.
taso mi mute li alasa toki. tan seme? ken la, tan ni: mi tu wile pana e ijo. ijo ni li ken ala toki. mi wile pana e sinpin pi ijo ni. toki ala sina li jo e kule seme? ona li kalama seme? mi wile sona e ni. tan ni la, mi toki tawa sina. mi toki ike. mi sona e ni: mi mute li ken ala sona e ale. taso, ken la, ike ni li pona. ona li wan e mi mute. mi pilin e ona.
sona mute li kama, li weka. toki mute li moli. pilin mi li wile toki. taso, ona li kalama ala. ona li tawa anpa insa pilin mi. sina kin li jo e pilin suli la, sina ken ala toki e ona la, mi wile pilin sama sina.
mi sitelen e ni la, mi pana e ni: mi sona lili. mi wile pali. taso, pilin ni li ni: mi wile pilin e ijo, mi wile sona e ijo. mi pilin e ni la, mi ken pona tawa mi.
lipu mi li suli. mi wile lukin e sina. tenpo kama la, o toki e ma sina tawa mi kepeken toki sina.
mi tawa.
telo pi tenpo mun nanpa lili
telo lili sin li kama tan sewi
li telo e kasi, e ilo tawa;
li weka e jaki, li kama wawa.
telo pi tenpo kasi sin li suwi.
telo lili sin ni li kama poki.
soweli mute li sewi e lawa
la ona li lukin e telo tawa.
anpa telo la, akesi li toki.
telo ni pi tenpo mun nanpa lili
li kule e ma, li musi tawa mi.
ike mute li tawa tan telo ni.
tenpo telo ni la, pilin li suli.
mi kute e toki telo, e nimi
pi jan pi kute kin lon tenpo pini.
toki lili pi tenpo mute
ale li pona.
pilin li sona.
telo lon selo la
o kama lon noka.
ale li nasa.
wawa li ala.
kule lon lukin la
osuli e lawa.
ale li mani.
mani li jaki.
sona li pona la
o kama lon kasi.
ale li sama.
moli li kama.
nasa la ni<^ la
ale li ala.
ale li sona.
kasi lon poka.
lon pini wile la
ale li pona.
o lukin kepeken sitelen Lasina
ale li pona.
pilin li sona.
telo lon selo la
o kama lon noka.
ale li nasa.
wawa li ala.
kule lon lukin la
o suli e lawa.
ale li mani.
mani li jaki.
sona li pona la
o kama lon kasi.
ale li sama.
moli li kama.
nasa la ni la
ale li ala.
ale li sona.
kasi lon poka.
lon pini wile la
ale li pona.
tomo wile ken
mi o pali e tomo len
e tomo awen
pi jan wile
tomo li ken lon nena suli
lon luka sewi
lon lupa ali
mi ale li wile e lape
mi ale o
kama e tomo
lawa ike la mi ale o
lape lon tomo
lape lon mi
tomo lape li awen e mi
kulupu kin li
toki e ni
pini lape la mi ken awen
mi o awen
o pali sin
pali tomo en lape tomo o
pona e kon
pi sina lon
o kama o tawa o awen
lon tomo ni
lon poka mi
o lukin kepeken sitelen Lasina
mi o pali e tomo len
e tomo awen
pi jan wile
tomo li ken lon nena suli
lon luka sewi
lon lupa ali
mi ale li wile e lape
mi ale o
kama e tomo
lawa ike la mi ale o
lape lon tomo
lape lon mi
tomo lape li awen e mi
kulupu kin li
toki e ni
pini lape la mi ken awen
mi o awen
o pali sin
pali tomo en lape tomo o
pona e kon
pi sina lon
o kama o tawa o awen
lon tomo ni
lon poka mi