pona pi kepeken ale

wile mi la ale li ken kepeken lipu ni.

ken la ni li sina:

• sina ken ala lukin
• sina ken ala kute
• sina ken ala lawa e ilo sina kepeken ilo tawa
• sina ken ala lukin e kule
• sina ken ala kepeken ilo pi nasin nasa

ale la mi wile e ni: sina ale li ken kepeken lipu utala.pona.la.

mi wile sona e pona pi ken kepeken lipu la lipu WCAG 2.2 AA li pana e nasin pona.

tenpo ni la, pakala mute li lon lipu utala.pona.la la ona li pona ala lon wile pi lipu WCAG 2.2 AA.

ijo pona

tenpo ni la, ijo pona ni li lon lipu utala.pona.la li ken pona tawa kepeken sina:

• sina ken kama lon lipu ale kepeken nasin mute
• sina lawa e ilo sina kepeken ilo tawa ala, la sina ken tan sewi lipu tawa insa lipu li ken tan poka lipu tawa anpa lipu kepeken tenpo lili
• lipu li toki ilo e ni: toki seme li kepeken toki Inli li kepeken toki pona.
• sina lawa e ilo sina kepeken ilo pi lukin ala la sina ken tawa sewi lipu tawa insa lipu tawa poka lipu tawa anpa lipu tan ni: ijo ale ni li poki.
• sina ken pimeja e selo li ken walo e selo

ijo ike

lon la pakala mute li lon lipu lon tenpo ni. mi wile pona e ni ale lon tenpo poka.

tenpo ni la, sina ken ala lukin la sina ken ala sona e ni: sitelen kule li seme lon ‘utala pi sitelen ma.’ sina ken ala kute la ken suli la sina ken ala lukin e ni: kalama pi sitelen tawa li seme. sina ken ala lukin la sina ken ala sona e ni: sitelen tawa la sona seme li lon lukin taso.

lipu suli ni la pakala suli li lon:

• Nasi
  • sina wile lili mute e lipu ni la lipu ni li jo e sitelen ni: ona li suli li ken ala kama lili. sina wile lukin kepeken ilo lili kepeken suli lukin la ken suli la pakala li kama.
  • toki Inli li lon lipu ni, taso ilo li ken ala sona e ni: toki seme li toki Inli.
  • nimi pi kule pimeja li lon monsi pi kule pimeja la lukin li ken a pakala.
  • tenpo la sitelen li tawa lon lipu. sina wile pini e tawa ni la nasin li lon ala.
• pilin pipi
  • sina wile lili mute e lipu ni la lipu ni li jo e sitelen ni: ona li suli li ken ala kama lili. sina wile lukin kepeken ilo lili kepeken suli lukin la ken suli la pakala li kama.
• kasi li toki
  • lipu li kepeken kule loje li kepeken kule laso lon nasin ni: sina ken sona e ni tan kule nimi: seme li toki. pakala li ni: sina ken ala lukin wawa e laso e loje la pakala sona a li ken.

nimi suli li lon sewi toki li toki e ni: toki mute li kama toki e seme. tenpo pini la mi’suli’ e nimi kepeken nasin ni taso: mi pimeja wawa e ona. ilo li ken ala sona pona e ni: toki seme li nimi suli, toki seme li nimi suli ala. ni o kama pona.

pakala li weka la mi toki lon lipu ni. pakala sin li lon la mi toki lon lipu ni a.

sina lukin e pakala sin la o toki tawa mi pi kulupu pali (tokipona.sasalin@gmail.com).