lawa kepeken pi pali musi
ni li seme?
sina pali e ijo sin la, ijo sin ni li ijo sina. sina lawa e ona. sina lawa e ni: seme li pana e ijo sina.
sina lukin ala ante e nasin ni la sina lawa ale e ijo sin sina a. taso sina ken toki e ni: mi wile ken e ni: jan mute ante li ken kepeken pali mi.
lipu utala.pona.la ijo musi mute li lon. jan pali mute pi ijo musi ni li ken e ni: sina ken kepeken pali ona. taso jan pali ale ala li ni a.
ni la pali seme la lawa kepeken pi pali musi li tawa ale? pali seme la lawa kepeken pi pali musi li tawa jan pali taso?
ken kepeken pi jan pali taso
ale la ‘utala pi sitelen ma’ en ‘utala pi musi mu’ la jan pali li kama ala ken e ni: ale li ken kepeken pali ona.
‘utala pi toki musi’ pi tenpo sike #MAM li sama. jan pali li kama ala ken e ni: ale li ken kepeken pali ona.
ken la sina pali e ijo lon ‘utala pi sitelen ma’ lon ‘utala pi musi mu’ lon ‘utala pi toki musi’ pi tenpo sike #MAM. ken la sina wile e ni: lipu utala.pona.la li pana ala e pali sina. ni li lon la o toki e ni tawa mi. mi weka e pana pi pali sina kepeken tenpo lili.
sina wile ken ala e pana pi pali sina la o toki kepeken nasin ni:
- ilo Siko (kepeken nimi @raacz)
- ilo toki lipu (kepeken nimi tokipona.sasalin@gmail.com)
ken kulupu kepeken
lon sike #MAMT la nasin sin li kama lon: sina pana e lipu sina tawa utala lipu, la nasin pana kulupu CC-BY-SA 4.0 li lawa e pana pi pali sina.
nasin ni la ale li ken pana e lipu lon ale li ken kepeken lipu lon ale li ken ante e lipu lon wile.
taso jan li kepeken lipu sina la ona o toki e ni:
- nimi sina li seme
- ona li ante e pali sina la ante li seme
- nasin pana pi lipu sina li nasin CC-BY-SA 4.0
- ona li ante e lipu sina la lipu sin ona ni kin li kepeken nasin CC-BY-SA 4.0
lipu ale ni la nasin pana CC-BY-SA 4.0 li lawa: