jan sama tu tu en soweli monsuta
tenpopinisulila
jan tu tupi(mamasama) li lon
ona mute li pilin-ike
jan-samananpa-wan li wile e niv<
jan-olinona li kama+sin tawaona
jan-sama nanpa-tuli wile e niv<
kasi+pan ona li kama+suli
li kama+mute
jan-sama nanpa tu wan li wile e niv<
ona li kama janlawa pi(matomoona
taso jan-samananpa tutu li wile+ala
ona li pilin-pona lon tenpo+ale
lipanaeponatawajan-antelontenpo+ala
tenpo suno wan la
jan-sama nanpa tu tu li toki e niv<tawa jan-sama ante
mi kute e niv<
soweli+monsuta toki pi( tenpokama) li lon ma+nena
sina wile pana e pona tawa lon sina la
miale o tawa ma+ni
jan-sama tu wan ale li pilin-monsutatanniv<
wan la
nena li suli,
li lete
tula
soweli+monsuta li kenmoku e ona+ale
taso jan-sama tuwan li panaala e pona tawa lon ona la
lon li ikemute tawa ona+ale
tan ni^la
jan-sama ale li tawa tan ma+tomo ona
lon sewi nenasuli la
jan-sama li kute e mumonsuta suli tan lupa pi(nena suli)
jan-samaale li tawa insa lupa
pimejataso li lon
jan-samananpa tu wan li tokie niv<
mi o
pana e suno tawa lupa-ni
pimeja liwekala
jan-sama li lukin e ijo -mute pi( kiwenjelo) a!
jan-sama nanpa-tu li tokie niv<
ma+tomo mi li jo e manilili
lupa-ni li jo e manisuli a
jan-sama nanpa-wan li tokie niv<
lupa-ni li jo kin e ijo-ante…
lon insa pimeja pi(lupa ni )la
okoloje tu li lon
soweli+monsuta li lukin ejan-sama
li tokie niv<
sina kama tawa lupa-mi tan seme
jan-sama ale li anpa e lawa ona tawa soweli+monsuta
v li tokie niv<
soweli+suli toki pi(tenpo kama )o,
lon li ike mute tawa miale,
mi wile pana e pona tawa lon mi
soweli+monsuta li mu lili
li tokie niv<
sina wile pona tan mi la
sina wile pana e seme tawa mi
jan-sama li jo ala e mani
taso ona li jo e ijo pi(mani suli)
jan-sama nanpa-wan li tokie niv<
jan-olin mi li pana e sike ni<pi( kiwen jelo) tawa mi
tasotenpopinila
mitokiiketawaona
tanni^la
onaliwekatanmi
sike ni li suli tawa mi
taso jan-olin mi li suli mute tawa mi
soweli+monsuta li lanpan e sike tan jan-sama
jan-sama li tokie niv<
soweli+suli o
mi wile e ni:ona li kama+sin tawa mila
mi wile pana e seme tawa ona?
kasi loje anu len+musi#
soweli+monsuta li tokiniv<
tenpo
jan-sama nanpa-tu li tokie niv<
jan-mama mi li pana e palisatawa ni<tawa mi
mi pali lon ma pi(kasipan) kepeken palisa tawa ni< la
mi pilin e ni: jan-mama mi li lonpokami
taso tenponi< la
mi wile awen e jan-lili mi
mi wile pana e moku tawa jan-lili mi
ona li suli mute tawa mi
soweli+monsuta li lanpan e palisa tan jan-sama
jan-sama li toki e niv<
soweli+suli o
mi wile e ni: kasi pan mi li kama+suli,
li kama+mutela
mi wile pana e seme tawa ona?
telo anu awen tan pipi?
soweli+monsuta li tokie niv<
suno
jan-sama nanpa tu wan li tokie niv<
mi jan utala
tenpo pini la
mi awen e kulupu mi tan tenpo+utala kepeken ilo+utala ni<
ilo+utalalisulitawami
taso tenpo ni<la
mi wile pana e tenpo pi( utalaala) tawa kulupu mi
onalisulimutetawami
soweli+monsuta li lanpan e ilo+utala tan jan-sama
jan-sama li tokie niv<
soweli+suli o
mi pana e pona tawa kulupu mila
mi kamaala kama jan lawa pi(ma tomo mi)
soweli+monsuta li tokie niv<
kama
jan-sama nanpa tu tu li tokie niv<
soweli+monsutao
mi wile ala
lon li pona,
li suli tawa mi
kin la
mi jo ala
wile alapana e ijo pi( mani suli)tawasina
soweli+monsutalipilin-ikelontenponi<
jan-samalitoki-sine ni<v
taso mi wile sona e ni: mi moli lon tenpo seme?
oko loje tupi( soweli monsuta )li kama lili...
soweli+monsuta li tokie niv<
ni^la
mi toki pini
tenponi<la
oko loje tupi(soweli monsuta )li weka
jan-sama ale li tawa sin ma+tomo ona
jan-sama nanpa-wan li pana e tenpo tawa jan-olin ona
lon tenpo sike wan la
ona li kama sin tawa jan-sama
jan-sama nanpa-tu li lukin e ni<v
kasi suli li pimeja e kasi pan ona
jan-sama li kipisi e kasi ni<,
li pana e suno tawa kasi+pan ona
kasi+pan ona li kama+suli
li kama+mute
jan-sama nanpa tu wan li pana e pona tawa kulupu ona lon tenpo ale
tenpo suno wan la
jan lawa pi(ma tomo) li moli
kulupu pi( ma tomo) li wile e ni<v
jan-sama nanpa tu wan li kama jan lawa sin
taso jan-sama nanpa tu tu li lukin ala e ijo-mute ni<
tenpo pimeja la
jan-sama nanpa tu tu li alasalape,
li lukin e oko loje tu lon insa pimeja
soweli+monsutalikamaalasaejan-samananpatutu
li tokie ni<v
sina sona ala sona e ni<v
moli sina li kamalontenposunoni<
jan-sama li tokikalamae ni<v
sonaala a!
mi wile pini sona e tenpo pi( moli mi),
taso sina toki ala e ni^ tawa mi
soweli+monsuta li tokie ni<v
mi tokipini e ni<v
tenpo...suno... kama...
jan-sama li pilin-monsuta suli
li tokie ni<v
taso … taso sina kama moli e mi tan seme
soweli+monsuta li tokie niv<
jan-sama sina ale li pana e ijo pi( mani suli) tawa mi
sinjana pana ala
jan -sama li tokie ni<v
mi tokipini e niv<
mi jo ala e ijo pi(mani suli )a
soweli+monsuta li kama
li tokie ni<v
sina jo a... sina toki e ni>...
soweli+monsuta li lon poka lawa pi(jansamananpa tu tu
li tokie ni<v
lon li pona
li suli tawa sina...
sitelen Lasina
tenpo pini suli la, jan tu tu pi mama sama li lon. ona mute li pilin ike. jan sama nanpa wan li wile e ni: jan olin ona li kama sin tawa ona. jan sama nanpa tu li wile e ni: kasi pan ona li kama suli li kama mute. jan sama nanpa tu wan li wile e ni: ona li kama jan lawa pi ma tomo ona. taso jan sama nanpa tu tu li wile ala. ona li pilin pona lon tenpo ale, li pana e pona tawa jan ante lon tenpo ala.
tenpo suno wan la, jan sama nanpa tu tu li toki e ni tawa jan sama ante:
“mi kute e ni: soweli monsuta toki pi tenpo kama li lon ma nena.
sina wile pana e pona tawa lon sina la, mi ale o tawa ma ni!”
jan sama tu wan ale li pilin monsuta tan ni: wan la, nena li suli, li lete. tu la, soweli monsuta li ken moku e ona ale. taso jan sama tu wan li pana ala e pona tawa lon ona la, lon li ike mute tawa ona ale. tan ni la, jan sama ale li tawa tan ma tomo ona.
lon sewi nena suli la, jan sama li kute e mu monsuta suli tan lupa pi nena suli. jan sama ale li tawa insa lupa. pimeja taso li lon. jan sama nanpa tu wan li toki e ni:
“mi o pana e suno tawa lupa ni.”
pimeja li weka la, jan sama li lukin e ijo mute pi kiwen jelo a! jan sama nanpa tu li toki e ni:
“ma tomo mi li jo e mani lili, lupa ni li jo e mani suli a!”
jan sama nanpa wan li toki e ni:
“lupa ni li jo kin e ijo ante…”
lon insa pimeja pi lupa ni la, oko loje tu li lon. soweli monsuta li lukin e jan sama, li toki e ni:
“sina kama tawa lupa mi tan seme?”
jan sama ale li anpa e lawa ona tawa soweli monsuta, li toki e ni:
“soweli suli toki pi tenpo kama o, lon li ike mute tawa mi ale. mi wile pana e pona tawa lon mi.”
soweli monsuta li mu lili li toki e ni:
“sina wile pona tan mi la, sina wile pana e seme tawa mi?”
jan sama li jo ala e mani, taso ona li jo e ijo pi mani suli. jan sama nanpa wan li toki e ni:
“jan olin mi li pana e sike pi kiwen jelo tawa mi. tenpo pini la, mi toki ike tawa ona. tan ni la, ona li weka tan mi. sike ni li suli tawa mi, taso jan olin mi li suli mute tawa mi.”
soweli monsuta li lanpan e sike tan jan sama.
jan sama li toki e ni:
“soweli suli o, mi wile e ni: ona li kama sin tawa mi la, mi wile pana e seme tawa ona? kasi loje anu len musi?”
soweli monsuta li toki e ni:
“tenpo.”
jan sama nanpa tu li toki e ni:
“jan mama mi li pana e palisa tawa ni tawa mi. mi pali lon ma pi kasi pan kepeken palisa tawa ni la, mi pilin e ni: jan mama mi li lon poka mi. taso tenpo ni la, mi wile awen e jan lili mi. mi wile pana e moku tawa jan lili mi. ona li suli mute tawa mi.”
soweli monsuta li lanpan e palisa tan jan sama. jan sama li toki e ni:
“soweli suli o, mi wile e ni: kasi pan mi li kama suli, li kama mute la, mi wile pana e seme tawa ona? telo anu awen tan pipi?”
soweli monsuta li toki e ni:
“suno.”
jan sama nanpa tu wan li toki e ni:
“mi jan utala. tenpo pini la, mi awen e kulupu mi tan tenpo utala kepeken ilo utala ni. ilo utala ni li suli tawa mi. taso tenpo ni la, mi wile pana e tenpo pi utala ala tawa kulupu mi. ona li suli mute tawa mi.”
soweli monsuta li lanpan e ilo utala tan jan sama. jan sama li toki e ni:
“soweli suli o, mi pana e pona tawa kulupu mi la, mi kama ala kama jan lawa pi ma tomo mi?”
soweli monsuta li toki e ni:
“kama.”
jan sama nanpa tu tu li toki e ni:
“soweli monsuta o, mi wile ala. lon li pona, li suli tawa mi. kin la, mi jo ala, wile ala pana e ijo pi mani suli tawa sina.”
soweli monsuta li pilin ike lon tenpo ni. jan sama li toki sin e ni:
“taso mi wile sona e ni: mi moli lon tenpo seme?”
oko loje tu pi soweli monsuta li kama lili… soweli monsuta li toki e ni:
“ni la, mi toki pini.”
tenpo ni la, oko loje tu pi soweli monsuta li weka. jan sama ale li tawa sin ma tomo ona.
jan sama nanpa wan li pana e tenpo tawa jan olin ona. lon tenpo sike wan la, ona li kama sin tawa jan sama. jan sama nanpa tu li lukin e ni: kasi suli li pimeja e kasi pan ona. jan sama li kipisi e kasi ni, li pana e suno tawa kasi pan ona. kasi pan ona li kama suli, li kama mute. jan sama nanpa tu wan li pana e pona tawa kulupu ona lon tenpo ale. tenpo suno wan la, jan lawa pi ma tomo li moli. kulupu pi ma tomo li wile e ni: jan sama nanpa tu wan li kama jan lawa sin.
taso jan sama nanpa tu tu li lukin ala e ijo mute ni. tenpo pimeja la, jan sama nanpa tu tu li alasa lape, li lukin e oko loje tu lon insa pimeja. soweli monsuta li kama alasa e jan sama nanpa tu tu, li toki e ni:
“sina sona ala sona e ni: moli sina li kama lon tenpo suno ni?”
jan sama li toki kalama e ni:
“sona ala a! mi wile pini sona e tenpo pi moli mi, taso sina toki ala e ni tawa mi!”
soweli monsuta li toki e ni:
“mi toki pini e ni: tenpo … suno … kama …”
jan sama li pilin monsuta suli, li toki e ni:
“taso … taso sina kama moli e mi tan seme?”
soweli monsuta li toki e ni:
“jan sama sina ale li pana e ijo pi mani suli tawa mi. sina pana ala.”
jan sama li toki e ni:
“mi toki pini e ni: mi jo ala e ijo pi mani suli a!”
soweli monsuta li kama, li toki e ni:
“sina jo a… sina toki e ni.”
soweli monsuta li lon poka lawa pi jan sama nanpa tu tu, li toki e ni:
“lon li pona, li suli tawa sina…”