lipu ni li seme a?

open

lipu utala.pona.la li tawa ni: kulupu pi toki pona li ken pali pi utala musi.

utala musi li utala ike ala li nasin musi ni: o pali e ijo mute musi, e lipu, e sitelen kule, e toki. pini la o kama sona e ni: lipu mute en sitelen kute mute en toki mute la ona seme li wawa nanpa wan tawa pilin kulupu? jan mute li pali li wile e ni: musi ona li wawa nanpa wan. tan ni la mi kepeken nimi ‘utala.’

nasin pi utala musi

tenpo mute la nasin li sama ni:

• lawa li toki e wile pali sama ni: ‘o pali e lipu musi’
• kulupu li pali e ijo mute li pana tawa lawa
• lawa li pana e ijo pali ale tawa lukin
• kulupu li lukin e ijo pali li toki e ni: ona seme li musi nanpa wan

utala.pona.la en ‘ma pona pi toki pona’ li wan ala wan?

ma pona pi toki pona li lawa e utala.pona.la. taso sina lon ala ‘ma pona pi toki pona,’ la sina awen ken lon utala lipu.

suli la utala pi nasin tu li lon utala.pona.la:

• jan li sitelen e sitelen ma sin tawa ‘ma pona pi toki pona’ la ni li utala sitelen. utala ni li lon insa a pi ma pona taso.
• jan li pali e lipu musi e toki musi kepeken nimi mute la ni li utala lipu. sina lon ala ma pona la sina awen ken lon utala lipu a.