lon lape
o lukin kepeken sitelen Lasina
ni<︀
「
ni^
」
ni^
「 」
「
︁」
「 ni^」
「 」
ni^
「」
ni^
「 」
「 」
ni^
ni>
「 」
lon lape
len pimeja li weka e laso sewi. taso weka suno li ale ala la ken lukin li awen lon
kon li tawa la kasi li pana e luka tawa kasi poka. kasi ale li wan lon tawa musi. tawa wawa la kasi ale poka li kama ko lon lukin. kasi wan li lon ala. sinpin tu pi kule kasi mute li taso lon poka
insa pi sinpin tu la palisa suli nasin li alasa pilin tawa ma weka. palisa li tan monsi tawa sinpin. nasin la kule sitelen li pipi tawa
jelo jelo. pimeja. jelo jelo. pimeja
mu pipi li kama suli. kasi li kama sewi tan ma lon noka li sike e sijelo
ona li sona. kasi musi li toki len. tawa pipi kin li toki anu seme
ona li sona
uta nasin li open li toki li moku e mi
la mu suli pi pana kon la mi weka tan lape
lupa suno tomo la mi lukin e sewi pi laso loje. kasi laso weka li awen lon ma ona
mi ken pali e telo suwi pimeja a
mi pana e ijo lili walo la telo pimeja li supa lon anpa pi walo ko
mi open e lupa tomo la kon li kama tawa sinpin mi. telo seli en kon lete la mi awen lon lukin pi kama kule sewi
mi kama e len suwi loje linja lon anpa pi lawa mi lon sike. ona o awen e mi tan lete
awen o pini ala
insa tomo la mi en jan ante luka li kama lon selo supa
jan pi lawa pali li toki. lon ona li toki a pi pini ala lon tenpo ale la ni li namako ala.
a, jan ante wan taso li lon ala la mute pona li lon tawa open. ni la, ale o, tenpo ni li tenpo suli. esun en ijo li mute la ale li wawa. o lape ala lon pali. mi o kama toki e ijo pali pi tenpo suno ni luka
lawa li awen toki
mi awen lukin e ni
supa jan wan la awen la jan li ala
taso suli ala. lon pi jan ni li jaki tawa lukin
mi wile pali e pan la mi tawa esun. lon ale ijo la mi sona ala e nasin
sinpin suli pi poki moku ale li awen e mi lon weka tan ijo pi wile mi. utala mute
mi pakala e ona la seme ike a li ken kama. sinpin li ike e mi la mi ken supa e sinpin. esun pona
pakala li ken lili taso. mi jan pakala ala. pakala li lili taso
mi lukin e jan loje
toki. mi ike li sona ala e lon pi ijo pan. ona li lon seme
jan loje li toki
ike ala a. ona li lon nasin moku nanpa luka tu tu. sina lukin e sinpin weka tomo pi telo mama walo la o tawa nasin nanpa ni la sina lon
sona pona. mi ni
o alasa pona a. sina wile e ante la o toki
mi pakala e ala
tomo pi wawa sijelo la mi alasa weka e nasa sijelo. noka en noka sin la mi tawa mute lon ilo pi supa sike
mu mu mu mu mu mu
tenpo kin li tawa la mi kama taso lon ale tomo. mi lukin e poka la ala li lon
noka en noka sin la
mu mu mu mu mu mu
mi lape lili e sijelo lon supa. mi lukin la ala li lon poka
monsi li sinpin tomo la mi awen li lukin lon ala ni
insa pi tomo moku la alasa moku li kama ala e ijo wile
nasin li seme a. ijo pi mute suli la nasin li nasa. tawa li sike li sike sin li sike sin nanpa tu wan
jan wan pi linja lawa walo li lukin
ona li awen e sijelo kepeken poki esun tawa. ala ante li lon insa. tawa nasa sike la ona li awen lon ma sama lon sike ale li lukin. sinpin pi pilin ike la poka pi uta ona li anpa
ona li lukin e mi. mi pilin e lukin ona.
jan ni li nasa pakala seme
ni li pilin ona. mi kute
mi ken ala. mi sike nanpa tu tu. taso mi weka ala
sinpin pimeja pi moku ale esun li tawa mu. uta jan li awen tawa anpa tawa noka
mi pipi lon insa la sinpin li tawa anpa. ona li wile supa e mi tawa ala
mi ken ala weka. mi o utala. ni li ken taso pi wile ala
mi ken ala weka
tomo tawa linja la mi awen lon supa. jan mute li lon poka li awen palisa li lukin e ilo luka
mi kama lon nasin akesi pi kasi loje
tomo li pini tawa la lupa li open. noka mute la jan insa en jan weka li esun
kama la nasin soweli pi kiwen loje
jan insa sin kin li lukin e ilo luka. lawa en lukin li anpa. mu tawa li lon sin sama
taso wan li ante. wan li lukin e mi. mi lukin anpa li lukin sewi sin
jan tawa ale li nasin telo la ni wan li kiwen awen pi tawa ala. lawa ona li sewi li weka tan selo telo, li lukin.
mi ken pilin e wile ona. utala en pini en moli en ala
mi kama lon nasin soweli pi kiwen loje
seme la jan ante li lukin ala e ona a. ona li lon li kama tawa mi. mi a
wawa la mi kama e ijo mi lon luka. lupa li open. mi weka. mi ken awen tawa lon nasin noka
mi weka
| lon noka la mi tawa | |
| ma li walo li kiwen | ma li pimeja li ko |
| sewi la tomo li suno | sewi la kasi li len |
| kon li lete e mi | lon nasin la mi taso |
| awen la mi awen tawa | poki mi li lon luka |
| jelo en pimeja lon nasin | seli li telo e mi |
| mi tu pi taso ala | awen la mi awen tawa |
| ilo palisa li lon luka | loje en loje lon ma |