monsuta li lon

jan alasa li toki e ni
te tomo pi(ponasewi) li lon insa pi (makasisuli)
zz tomo ni^ li pona e jan
zz taso jan soweli monsuta li utala e tomo pi(pona sewi) li moli e jan
zz o moli e jan soweli monsuta
zz o pona e tomo pi(pona sewi) a
zz sina wile ni^ la o lukin e kasi walo to

kulupu pona li kute e jan alasa li wile ni^
ona li tawa ma kasi suli li alasa e tomo pi(pona sewi)
kasi ale li laso lon ma kasi suli

tenpo ale la soweli li lon insa pi (ma kasi suli)
taso tenpo ni la kulupu pona li kute ala e soweli e ijo e ale
kalama li lon ala
te ni^ li nasa to

lupa sike

tenpo kama lili la kulupu pona li lukin e kasi suli walo
kasi ni^> li wan taso
kulupu pona li tawa kasi walo li lukin e kiwen suli mute
kiwen suli wan li jo e lupa sike
taso kulupu pona li ken ala kama lon insa tan ni8
ona li open ala

lupa sike li jo e sitelen pi (luka loje)
tenpo pini la jan ante li sitelen e ni^ kepeken telo sijelo loje
ona li ken awen lon insa tomo

kulupu pona li alasa open e lupa sike kepeken ilo
taso ilo ale li ken ala open e lupa sike
kulupu pona li sona ala e nasin pi open lupa li awen

tenpo pimeja li kama la mun li suno tawa ma kasi suli
suno mun li lon lupa sike
ni^ la lupa sike li open kepeken wawa nasa
kulupu pona li kama lon insa tomo

meli pakala[loje utala nasa anpa]

kulupu pona li lon tomo pi (pona sewi) li ken ala lukin e ale tan ni
ale li pimeja
jan pona pi (kulupu pona) li suno e tomo kepeken palisa seli
tomo anpa li jo e kiwen sijelo tan jan moli e telo sijelo loje
sinpin li jo e kiwen soweli tu wan
kiwen soweli wan li jo e lipu ni
te o mu tawa mi mute
zz o pana e telo sijelo loje tawa mi mute
zz ni^ la kon soweli li kama li pona tawa sina to

meli pakala li lape lon poka pi (kiwen soweli) li ken ala tawa tan ni
linja wawa li wan e luka ona e kiwen soweli
kulupu pona li pona e ona la meli pakala li toki e ni
te mi meli [loje utala nasa anpa]
zz tenpo pini la mi en jan olin mi [ken anu nena] li alasa e moku lon insa pi (ma kasi suli)
zz jan soweli monsuta li kama li pakala e mi
zz jan [ken] li lon tomo ante to
kulupu pona en meli [loje] li tawa

poki sike telo

kulupu pona li kama tawa tomo pi (poki sike telo)
poki ni^> li jo e telo sijelo loje pimeja e sitelen ni
te pakala li awen e ale to
kulupu pona li pilin e kon moli
jan wan pi kulupu pona li wile sona e telo ni^ li moku e ona li pilin ike
tomo ni li nasa
kulupu pona li tawa

lupa en kasi kule

kulupu pona li kama lon insa pi (tomo ante)
tomo ni^ li jo e kasi kule mute e lupa lon insa
mun li ken suno tan ni
ona li lon sewi lupa
lupa ni^> li jo e anpa suli
jan li tawa anpa ni^ la ona li pakala

kulupu pona li kute e kalama
jan li toki tan lupa
te o pona e mi
zz jan ike li poki e mi lon lupa ni to
meli [loje utala nasa anpa] li toki e ni
te jan ni li jan olin mi [ken anu nena]
zz o pona e ona to

kulupu pona li lukin e tomo
ona li kama lukin e poki kiwen li open e ona
poki kiwen li jo e linja e lipu
jan pali pi (lipu ni) li tan tomo pi (pona sewi)
ona li sitelen e ni
te o kama pona tawa jan tu wan
zz jan tu wan li wile jo e telo wawa nasa pi (pona awen)
zz taso jan tu wan li wile ala pana e pakala
zz kon soweli li pilin e ike tan jan tu wan ni^<
zz tenpo suno kama la jan tu wan o weka to

kulupu pona li kama jo e linja
sin la kulupu pona li kute e kalama nasa tan tomo wan pi (lupa sike) li tawa ona

jan sin nasa

kulupu li kama tawa tomo pi (lupa sike) li lukin e ni
jan majuna en jan nasa li kama lon tomo pi (pona sewi)
meli [loje utala nasa anpa] li sona e jan majuna li toki e ni8
te ona li mama mije mi [esun palisa esun nasa]to
jan [esun] li pilin nasa li toki e ni
te mi alasa e pona to
jan nasa li pilin nasa li mu li ken ala toki pona tan ni
ona li moku e telo nasa mute
te jan nasa li wile pona to
taso jan nasa li wile ala pona li wile lape

kulupu pona li kama pona e jan tu sin
ona mute li tawa

tomo pi jan [ken anu nena] la kulupu pona li kepeken palisa lon lupa suli
ni^> la ona mute li ken tawa lupa tawa jan [ken]

toki tan jan tu wan

kulupu pona li lon tomo anpa
jan [ken anu nena] li kama jo e luka tu pi meli [loje utala nasa anpa] e luka tu pi jan majuna [esun palisa esun nasa]
ona mute li toki e ni tawa kulupu pona
te mi mute li kulupu mama li kama tawa tomo pi (pona sewi) tan ni
zz sijelo mi mute li pilin ike
zz kon soweli li lon insa pi (sijelo mi mute)
zz mun li kama la mi mute li kama jan soweli monsuta li pilin ike li wile pakala e jan li wile moku e telo sijelo loje
zz taso mi sona e ni
zz ni^ li ike mute mute aaa
zz kulupu mama mi li wile pilin pona la mi mute li kama tawa tomo ni
zz taso jan pi (pona sewi) li wile ala pona e mi
zz tenpo pimeja kama la kulupu mama mi li kama jan soweli monsuta li moli e jan pi (pona sewi) li pilin ike mute mute aa
zz o lukin e ni to

kulupu pona li lukin
sinpin li jo e sitelen li toki e ni
te sina wile pali e telo wawa nasa pi (pona awen) la
zz o pana e telo sewi tawa lupa sike telo
zz jan ante li wile la ona o pana e telo sijelo loje ona tawa lupa sike telo
zz o wan e telo ni^ to

jan [ken] li toki e ni
te jan pi (pona sewi) li wile ala pana e telo sijelo loje ona
zz tenpo pimeja kama la mi moli e ona li pana e telo sijelo loje ona tawa lupa sike telo
zz taso telo sijelo ni li wile ala
zz mi ken ala pali e telo wawa nasa pi (pona awen)
zz o pona e mi to

kulupu pona li sona e ni
jan majuna [esun] li kama e jan nasa tan ni
ona li wile kama jo e telo sijelo loje ona
kulupu pona li weka e jan nasa

monsuta li pini

jan ale li kama tawa tomo pi (lupa sike telo)
jan wan li pana e telo sewi tawa lupa sike telo
jan ante li pana e telo sijelo tan sijelo ona tawa lupa sike telo
jan pona li wan e telo ni^
kulupu mama pi sijelo ike li moku e telo ni^
ona li pilin nasa
taso tenpo lili la ona li pilin pona mute
te pona o tawa sina mute a to

kulupu pona en kulupu mama li tawa ma pi (tomo jan)
kulupu mama li pilin ike mute tan ni
ona li moli e jan pi (pona sewi)
jan lawa li kama tan ma pi (tomo jan) li pona e kulupu mama li toki e ni
te sina wile la sina ken kama jan sin pi (pona sewi) zz to
kulupu mama li wile e ni^ li ni^

kulupu pona li kama jo e mani mute e pona mute tan jan ale
ale li pona