waso pona... anu seme?

suno kama lon la, waso li tawa sewi.

waso li pilin moku. waso li tawa lon sewi la, ona li lukin e moku.

a!

akesi li lon. akesi li moku waso.

taso, akesi li utala!

pipi li utala e akesi. waso li kama lon kasi suli li lukin e ona.

pipi li tawa kepeken tenpo lili. akesi li ken ala utala e ona! tan ni la, akesi li alasa e pipi.

“pipi o, pipi o,” akesi li toki tawa pipi. “o pini e tawa, o pini e tawa!”

pipi li toki: “tan seme? sina wile moku e mi. mi wile ala moli la, mi tawa!”

tan toki pipi la, akesi li pilin ike. “mi wile moku. sina moku akesi.”

“mi moku ala! sina monsuta suli! o moku e pipi ante e mi ala!”

akesi li awen li toki insa. tenpo lili la, akesi li toki: “ala. pipi ante li len. sina len ala. mi ken alasa e sina kepeken pali lili. mi alasa e pipi ante la, mi wile kepeken pali suli!”

waso li lukin e ni kepeken pilin meso. akesi li moku tawa ona. pipi li moku ala tawa ona. ken la, waso li ken moli e akesi li pona e pipi. ona la, waso li pilin pona tan ni.

waso li tawa anpa lon ma.

“akesi o, pipi o,” waso li toki.

“seme a?” akesi li toki suli.

“monsuta a!” pipi li toki.

“pipi o pilin monsuta ala. mi tawa tan ni: mi pona e sina tan akesi.” waso li toki tawa pipi.

akesi li pilin ike mute. “tan seme? tan seme?” akesi li mu suli. “waso li ike a! waso li ike a!”

“akesi o,” waso li toki ike. “o weka. sina weka ala la, sina kama moli.”

“mi moli anu seme?” akesi li pilin nasa tan sona sin.

“lon. sina awen la, sina kama moli,” waso li toki.

“tan seme? tan seme? mi wile moku taso. ni li wile mi taso,” akesi li toki.

“o weka, akesi o,” waso li toki ike.

“ala. mi awen,” akesi li toki.

“tan ni la, sina wile moli,” waso li utala e akesi.

“a!” akesi li pilin monsuta suli. akesi li utala kin. taso, akesi li utala ike. waso li luka utala e akesi lawa. akesi li mu pi pilin ike; akesi li utala kin! waso en akesi li utala sin la ona tu li kama jo e pakala mute a!

taso, tenpo pi utala pini la, waso li pini e akesi.

“akesi o toki e toki pini sina,” waso li toki.

“sina ike,” akesi li mu mute.

waso li moli e akesi.

tenpo suli li lon.

“pona…” pipi li toki. “sina pona e mi tan seme?”

“akesi li ike e sina. akesi li moku pona la, mi pona e sina.”

“wawa! pona mute tawa sina,” pilin pipi li pona wawa tan toki waso. “sina moku ala moku e mi?”

“ala, ala,” waso li toki. “pipi li moku ike tawa mi. akesi li pona.”

“a,” pipi li lukin e ni: waso li kama moku e sijelo akesi. pipi li kama sona e ni: waso li pona wawa ala. ona li wile moku taso.

tan ni la, pilin pipi li nasa.

pini.