< o tawa lipu pini: pipi li lon tomo ni
lipu #1
- leko #1: lon sewi pi lupa esun la nimi ‘mani’ li nimi e tomo. tomo mani la…
- leko #2: jan pali li toki pi pilin monsuta lili: “toki, n o kama pona!”
- leko #3: jan sin tu li kama lon insa esun, taso mi ken ala lukin e sinpin; mi lukin e monsi taso. jan wan li lukin e jan pali li toki wawa: “seme? sina pana e sinpin pi pilin monsuta tan seme?”
- leko #4: mi kama ken lukin e sinpin pi jan sin. ona pi toki wawa li mije suli. ona pi toki ala li jo e kute suli monsuta. mije suli pi toki wawa li toki wawa sin: “sina pilin ike tawa mi tu tan ni taso: lukin la mi ike. jaki!” jan pali li toki sin, li awen pilin nasa: “mi pakala. sina jo ala jo e poki mani lon tomo ni?”
- leko #5: mije suli li kama jo e ilo moli pi pana sike tan insa pi len ona li toki: “jo ala. mi wile lanpan taso e mani ale.” jan pali li toki: “wawa.”
- leko #6; mije suli li toki tawa jan pi kute suli: “o awen o lukin lon ni.” jan pi kute suli li toki: “sona.”
- leko #7: jan pi kute suli li lukin li kute la mije suli li jo e ilo moli li toki tawa jan pali e ni: “o kalama ala o open e poki mani suli.” jan pali li sewi pi utala ala e luka ona li toki: “mi tawa.”
lipu #2:
- leko #1: KALAMA. jan pi kute suli li kute e ona li toki insa: ‘a? jan seme a li kama?’
- leko #2: mije sin tu li kama lon insa tomo. ona sinpin li jo e sitelen lawa lon len lawa ona li toki: “mi jan lawa! o anpa lon tenpo ni!”
- leko #3: LUKA. jan pi kute suli li pana wawa e luka ona tawa sinpin pi jan lawa nanpa wan li anpa e ona.
- leko #4: NOKA. jan pi kute suli li pana e noka ona tawa insa pi jan lawa nanpa tu li anpa e ona.
lipu #3:
- leko #1: jan pi kute suli li pilin pi wawa pona utala li toki: “sina li tu taso? mute pi pona ala.”
- leko #2: “mi toki e nimi wawa ni: AWEN!” ona li toki e nimi wawa la wawa nasa li kama open.
- leko #3: jan pi kute suli li toki: “tenpo musi li open!”
- leko #4: “kepeken nimi wawa mi a, mi ken awen lon utala pakala!”
- leko #5: “o pana e ale wawa sina!” luka pi jan wawa li open.
- leko #6: jan lawa nanpa wan li toki pi pilin monsuta tawa jan lawa nanpa tu: “ona li ken kepeken nimi wawa! mi o seme?”
- leko #6: jan lawa nanpa tu li toki tawa jan lawa nanpa wan: “mi awen sona utala kepeken ilo moli!” ona tu li kama jo e ilo utala moli. jan nanpa tu li toki: “o open!”
- leko #7: pakala! pakala! pakla! mu pakala li kama tan pana. taso sike moli lili li kama lon sijelo pi jan wawa la sijelo ona li kiwen! sike li tawa insa ala li tawa poka a!