lon anpa pi sewi walo lon sewi pi telo suno

mute nimi: suli, WALTWAMMMMW

o sona e ken ike lon lipu ni

lon lipu ni la, toki ni li lon. toki ni li pona ala tawa sina la, sina wile ala lukin e lipu ni.

mi wile toki e nasin toki mi. sina sona ala e nasin toki ni la, ken la, sina ken ala sona e toki mi.

lon anpa pi sewi walo lon sewi pi telo suno

toki wan: toki open

palisa kasi li seli, li seli.
mi luka e palisa ni, li pana e palisa ni lon sinpin pi sitelen sewi.
mi lukin e sitelen ni. ijo sewi li lon sitelen. ijo sewi ni li kijetewantakalu. lukin la, sinpin pi kijetenitakalu sewi li suwi. luka pi kijetenitakalu sewi li wawa. len pi kijetenitakalu sewi li loje.
nimi pi kijetenitakalu sewi li nimi sewi Seliwa. kijetesantakalu sewi Seliwa li kijetewantakalu tan tenpo pini. lon tenpo ni la, monsuta mute mute li lon ma lon. kijetesantakalu sewi Seliwa li ijo wawa, li utala e monsuta kepeken usawi, li anpa e monsuta. ni la, ma lon li kama pona li kama suwi. kijetesantakalu sewi Seliwa li ijo pona tawa ma lon.
mi lukin e sitelen ni. mi toki insa: [ suwi tawa sewi Seliwa. pona tan pali mi. ]
sitelen ni li pana e kule tawa oko mi, li pana e wawa tawa pilin mi.

mi weka tan tomo sewi.
kon sewi li pimeja. len li lon mute lon kon sewi. lon tenpo lili la suno li kama lon. sewi li kama walo.
nasin telo linja wan li lon sinpin pi tomo sewi. nimi pi telo linja ni li nimi Eneli.
mi tawa noka lon poka pi telo Eneli. telo lon telo Eneli li tawa kin.
tenpo lon li open pi tenpo sike. kasi palisa lili li kama lon anpa telo. kasi ni li lili li ken ala kama lon sewi telo. tenpo li kama lili la, kon li kama seli lili la, kasi puwa puwa li kama lon telo Eneli lon poka pi kasi palisa ni kin.
lon poka poka telo la, kasi palisa suli li lon mute. kasi palisa suli ni li lon tenpo ale pi tenpo sike. lon tenpo lete pi tenpo sike la, kasi ni li jelo. lon tenpo lon la, kasi ni li kama laso.
mi luka e kasi palisa suli, li pilin e kon tan kasi ni. kon ni li kon kasi li pona pilin.
ni la, mi tawa noka lon poka pi telo Eneli tawa tomo utala.

tomo utala li lon insa insa pi ma insa.
ma insa lon li ma insa esun wan. ma ni li suli suli ala. tomo MA li lon ma insa ni. ma insa esun ni li kama lon tan telo Eneli. nimi pi ma insa ni li nimi Newa Tan Eneli.
lon sewi tan ma Newa Tan Eneli la, nena mute suli li lon. nena mute ni li linja li sama akesi suli. nimi pi nena ni li nimi Akesi Loje.
lon nena pi akesi loje la, kon li lete lete. telo li lete li kama kiwen lon tenpo ale pi tenpo sike.
nasin wan taso li lon nena ni. nasin ni li ike li monsuta. taso, kepeken nasin ni la, ijo esun li ken tawa ma lon ante pi nena pi akesi loje. tan toki pi ijo esun la, ma ante ni li suli li pona mute.
tawa wan lon nasin ni li wile kipisi pi tenpo sike. lon tenpo sike wan la, ijo esun ken taso tawa lon tenpo tu lon nasin ni.
ante la, lon linluwi tan ma Newa Tan Eneli la, ma li kama supa li kama lete ala. telo Eneli li tawa ma supa ni. kasi pi kule mute li lon ma ni.
ijo esun mute li tawa e kili e kasi misikeke tan ma supa ni kepeken nasin telo Eneli tawa ma insa Newa Tan Eneli. ijo esun sin li tawa e ni kepeken nasin nena pi akesi loje tawa ma suli ante.
lon tawa ni la, ijo esun li lukin e mun lili wan. lon tenpo pimeja la, mun lili ni li suno. mun lili ale li tawa sike tan mun ni. tan ni la, toki pi ijo esun la, mun ni li mun sewi. ma suli lon ante nena li ma suli sewi.
jasima la, ijo esun li tawa e kiwen namako e lipu usawi tan ma suli sewi tawa ma Newa tawa ma supa kepeken nasin nena kepken nasin telo Eneli.
lon tawa jasima ni lon meso pi tenpo sike la, ijo esun li lukin e mun ante. mun ni li mun lili tu tu, li lon ante pi mun sewi. ijo esun li linja e mun tu tu lon sewi la, linja ni li kama lon e linluwi. linluwi ni li leko leko ala, li kiki. ijo esun li linja tan kiki linluwi la, linja sin ni li kama tawa ma insa Newa Tan Eneli tawa ma supa. tan ni la, toki pi ijo esun la, mun ni li mun linluwi suli. ma supa li ma supa linluwi kin.
ijo esun tan ma Newa li toki musi e ni:
[ mi tawa ma sewi la, mun sewi li lawa. mun linluwi li kama la, mi tawa mama. ]

nena pi akesi loje li lete. nasin nena li ike. kin la, monsuta wawa wawa li lon nena ni.
tan ni la, ijo esun li wile tawa lon nasin nena pi akesi loje la, ijo esun li wile e ijo utala wawa lon poka.
kulupu esun suli la, ijo utala wawa li ken lon insa kulupu lon tenpo ale. taso ijo esun wan wan la, ijo esun ni li wile alasa e ijo utala lon tomo utala lon ma insa Newa Tan Eneli. tomo utala li kama lon tan ni.
tan tenpo pini la, mi wile utala lon tawa pi nena pi akesi loje. mi wile tawa lon nasin ni li wile tawa lukin e ma suli sewi. taso tawa ni li wile e ijo utala wawa taso. ijo utala li wawa ala la, ijo esun li ken ken kama moli tan monsuta.
mi ijo utala wawa ala. mi ken ala utala lon tawa ni.

　★　★　★　

mi tawa noka lon ma insa Newa Tan Eneli, li tawa tomo utala.
kon sewi li kama suno taso lon tenpo lon. nasin lon ma insa li kama suno lili.
mi kama lon sinpin pi tomo utala la, mi open e lupa pi tomo utala. ijo ala li lon tomo utala.
ijo ala li lon ma wan la, mi pilin pi pona lili.

tomo utala li tomo suli. supa anpa pi tomo ni li tan kiwen walo pona. meso pi tomo ni li tan kiwen jelo suli. sewi tomo li tan kiwen lipu pimeja mute. suno usawi lili li lon mute. linja li linja e suno usawi ni tan sewi tomo.
lon anpa pi suno usawi la, supa kiwen suli wan li lon. lipu sitelen li lon mute lon supa ni. lipu sitelen ni li tan ijo mute lon ma Newa. ijo li wile e ijo utala la, ijo li pana e lipu lon supa ni.
supa lili mute li lon ante pi supa ni. lon supa ni la, ijo utala li ken awen li ken toki tawa ijo utala ante tawa ijo ante.
mi lukin e lipu lon supa suli la, lipu pi kule mute li lon.
lipu pi kule nanpa wan li lipu suli laso. lipu ni tu wan li lon. lipu ni li tan ijo esun. tenpo lon li open pi tenpo sike. lon tenpo kama lili la, ijo esun lon ma Newa li kama tawa ma suli sewi.
mi wawa ala. lipu ni li ken ala tawa mi.
lipu pi kule nanpa tu li lipu lili walo. lipu ni mute li lon. lipu ni li tan ijo pi kule mute. ijo kiwen li wile alasa e kiwen seli e kiwen namako tan nena pi akesi loje la, ijo kiwen li wile e ijo utala lon poka. monsuta li kama lon ma poka la, ijo lon ma poka li wile e anpa pi monsuta ni. len tan monsuta pi kule wan li usawi li pona tawa len ijo la, ijo len li wile kama jo e len ni. lipu sama ni li lon.
lipu ni mute li kama ken tawa mi lon tenpo sike lon.
lon tenpo pini lili la, lipu ni ale li ken ala tawa mi.
lipu pi kule nanpa tu wan li lipu lili jelo. pali lon lipu ni li pona ala. ijo kiwen li wile pakala e kiwen suli lon ma supa. ijo kiwen li wile e ijo utala usawi. ijo utala usawi li ken pakala e kiwen kepeken tenpo lili. tenpo lon li open pi tenpo sike la, ijo kasi li wile e ijo pali mute, li kasi e ma. lipu mute pi kule ni li tawa ijo pi utala ala. mani lili lili li ken kama lon tan pali lon lipu ni.

mi lukin e pali lon lipu mute la, lupa pi tomo utala li kama open.
mi kute e kalama ni, li lukin monsi tawa lupa la, mi lukin e ijo pona mi. ijo pona mi li lon.
[ tenpo pona! ]
ijo pona li toki e ni.
ijo pona mi li soweli wan. nimi pi soweli ni li nimi Menaka.
[ pona Menaka o! tenpo pona kin! ]
mi toki e ni.
soweli pona Menaka li soweli nja. oko pi soweli pona li laso. kule ni li sama kule pi telo Eneli lon meso pi tenpo sike, li pimeja, li jasima. len pi soweli pona li walo walo taso. ijo jaki taso li lon ala soweli pona.
mi lukin e soweli pona la, uta pi soweli pona li suwi.
[ kasi lon poka pi nasin suli li kama laso. lipu kasi lili li kama lon. sina sona ala sona e ni? ]
[ a, mi sona ala! mi wile tawa lukin. ]
nasin suli li nasin nanpa wan lon ma insa Newa Tan Eneli. nasin ni li tan linluwi pi ma insa Newa tawa ma esun tawa tomo utala. kasi suli li lon poka pi nasin ni. kepeken tenpo la, kasi suli ni li kama kule li kama pona lukin mute.
[ pona a! mi tu li ken tawa lukin. sina kama lukin e pali pona anu seme? ]
soweli pona li tawa poka pi supa kiwen suli.
[ pali lon lipu ni li ken pona. monsuta usawi tu li kama lon ma. ijo kasi li wile weka li wile anpa e monsuta, li wile kasi e ma ni. ]
mi luka e lipu walo wan. soweli pona li lukin e lipu ni.
[ ijo utala li ken weka li anpa e monsuta kepeken tenpo lili lili la, ijo kasi li wile pana e mani mute. ]
soweli pona li toki e toki ni tan lipu. mi lukin tawa soweli pona la, oko pi soweli pona li suno.
[ ni li pona mute a. ]
soweli pona li toki:
[ mi tu li ken kama tawa ma ni lon tenpo lon! ]
soweli pona li pana e lipu ni tawa poki la, mi tu li kama weka tan tomo utala.

mi tu li tawa wawa noka lon nasin suli tawa linluwi.
soweli pona li lon soto. mi lon teje.
suno li suno suli li suno seli lon soto pi mi tu. sewi li laso.
len li lon mute lon sewi lon tenpo pini lili la, len mute ni li kama weka. sewi li kama suli.
kasi suli mute li lon poka pi nasin suli.
kasi suli ni li kama laso. lipu kasi lili li kama lon.
ijo esun lon nasin suli li toki pona tawa soweli pona. mi tu li toki pona sama.
kon li tawa tan monsi pi mi tu. mi tu li tawa wawa.
[ lon tenpo kama ale la mi wile lon poka pi soweli pona. ]
mi toki insa e ni.

toki tu: ijo utala wawa

soweli pona Menaka li ijo utala wawa, li sama ala mi.

soweli pona li kama sona e usawi tan tenpo pini pini.
lon tenpo ni la, soweli Menaka li soweli lili taso, li awen lon nena lili wan lon poka pi ma Newa Tan Eneli.
lon tenpo wan la, soweli usawi wan li wile alasa e kasi usawi lon nena ni. nimi pi soweli usawi ni li nimi Leme. lon tawa lon nena ni la, soweli Leme li kama sona e soweli Menaka.
soweli Menaka li suwi tawa soweli Leme. lon tenpo mute la, soweli Menaka li alasa e kasi usawi tawa soweli Leme. jasima la, soweli Leme li pana e sona pi usawi seli utala tawa soweli Menaka.
soweli Menaka li ijo wawa. soweli Menaka li kama sona e usawi seli tan soweli Leme la, soweli Menaka li pali mute e usawi ni. usawi pi soweli Menaka li kama pona mute.
tenpo li tawa. soweli Leme li wile tawa ma weka tan ma Newa la, soweli Leme li pana e sona pi tomo utala tawa soweli Menaka.
tan tenpo ni la, soweli Menaka li pali mute tan pali tan tomo utala. soweli Menaka li kama jo e mani la, soweli Menaka li esun e lipu usawi tan ijo esun, li pona e usawi pi soweli Menaka.
soweli Menaka li kama wawa tan pilin wawa pi soweli Menaka. soweli Menaka ni li ijo wawa lon.

mi toki lape e toki pi soweli pona Menaka la, mi kama lape ala.
sewi li pimeja. kon li tawa. kon ni li kama lete ala.
tenpo li tawa lili tan open pi tenpo sike lon. tenpo lon la, kasi puwa puwa li kama lon telo Eneli. kasi palisa suli lon poka pi telo Eneli li kama laso mute.
mi pana e toki mi tawa sewi Seliwa la, mi weka tan tomo sewi li tawa tomo utala.
mi wile lukin e soweli pona Menaka. soweli pona li pilin pona la, mi pilin pi pona lili.

mi open e lupa pi tomo utala la, mi lukin e insa pi tomo utala.
lon tenpo mute la, mi kama lon tomo utala la, ijo ala li lon. mi nanpa wan. taso lon tenpo lon la, ni li ala.
[ toki a! ]
ijo lon insa pi tomo utala li toki tawa mi. mi lukin e ijo ni la, ijo ni li soweli pona mi, li soweli pona Menaka.
[ toki! sina nanpa wan a lon tomo utala! ]
[ a a! lon tenpo la, mi ken kama nanpa wan kin! ]
[ pona a! ]
mi toki e ni. sinpin pi soweli pona li musi li pona pilin. soweli pona li toki:
[ ante la, mi kama sona e lupa anpa. tomo anpa mute li lon anpa pi lupa ni. ijo kasi wan li toki e sona ni tawa mi lon tenpo pimeja pini. ]
[ tan ni taso la, sina kama nanpa wan lon tomo utala a? ]
mi toki musi e ni.
[ ala a. mi wile lukin e sina la, mi tawa kepeken tenpo lili. ]
soweli pona li toki musi tawa mi.
[ tomo anpa ni li ike ala ike a. ]
mi toki e ni.
[ ijo kasi li sona ala. taso mi tu li lon la, monsuta seme taso li kama wawa ala. ]
[ ni la pona a. ]
mi toki e ni.

tomo anpa li lon mute lon poka pi ma Newa Tan Eneli. tomo anpa ni mute li linluwi li suli.
toki pi ijo kiwen la, tomo anpa mute li kama lon tan telo lon anpa. telo li ken pakala e kiwen li kama lon e tomo kiwen kepeken tenpo suli.
monsuta mute li ken awen lon tomo anpa. tomo anpa mute li suli ala. ni li ike tawa ijo utala usawi. ijo utala usawi li wile weka tan monsuta. ni la, luka monsuta li ken ala pakala e ijo usawi. usawi tan ijo usawi li ken pakala e monsuta. tomo li lili la, ijo usawi ken ala kama weka tan monsuta.
taso soweli pona la, ni li ala. soweli pona li sona e usawi kipisi suli. ijo pi mute ala li sona e usawi ni.
jasima tan ijo utala usawi mute la, soweli pona li ken pakala pakala e monsuta lon tomo lili. usawi kipisi pi soweli pona li suli li wawa. lon tenpo mute la, soweli pona li wile wile utala e monsuta lon poka poka monsuta. ni li wawa.

mi tu li kama lon lupa anpa ni.
lupa ni li lupa lili, li len lon monsi pi kiwen suli wan. kasi usawi nasa li lon poka pi lupa ni.
monsuta li lon insa pi lupa anpa la, kasi usawi li kama lon lon poka lupa. soweli pona en mi li sona e sona ni.
mi tu li kama jo e kiwen pi usawi suno tan poki. mi tu li pali e usawi tawa kiwen ni la, kiwen ni li kama suno. mi tu li pana e kiwen ni tawa lawa pi mi tu. kin la, soweli pona li kama jo e kiwen usawi. monsuta li kama lon lon tenpo lili la, soweli pona li ken kepeken kiwen ni li weka e monsuta.
ni la, mi tu li tawa insa pi lupa anpa ni. tomo anpa lili li kama lon insa. tomo ni li linja. kasi usawi li lon mute lon tomo ni.
mi tu li tawa insa pi tomo ni la, tomo linja sin li lon.
tomo linja sin ni li kama pimeja. suno sewi li ken ala suno e tomo insa ni.
mi tu li tawa insa pi tomo ni la, tomo suli li kama lon. tomo suli ni li pimeja. kasi usawi li kama weka. mi tu li lukin e sewi tomo kepeken kiwen pi usawi suno la, kiwen leko nasa li lon mute. kiwen leko ni li laso li usawi ala.
tomo lili linja sin li lon tu wan li linluwi tan tomo suli ni.
mi tu li kute e kalama telo tan tomo linja wan. monsuta mute li ken lon poka telo. tan ni la, mi sitelen e tomo pini lon sinpin pi tomo suli la, mi tu li tawa insa pi tomo linja ni. tomo linja ni li sama tomo linja pini tu.
taso lon meso pi tomo linja ni la, kiwen lon anpa li kama lili. mi tu li lukin e sinpin la, telo wan tawa li lon.
telo ni tawa li tawa tan insa pi tomo linja. telo ni li tawa kiwen lili mute ni la, telo li kama anpa li kama weka.
soweli pona li tawa poka pi telo ni li lukin e telo lon telo ni. telo li kule ala.
ni la, mi tu li tawa tawa jasima pi telo ni li tawa insa pi tomo linja ni.
kon lon tomo linja ni li telo mute. mi lukin e poka la, kasi usawi lili li lon.
soweli pona li lukin e kasi ni la, soweli pona li toki:
[ kasi ni li kasi usawi wan. kasi ni li wile ala suno a. kasi ni li mute ala. ]
soweli pona li toki kin:
[ sona mi la, ijo esun usawi li wile e kasi ni. mi tu li ken kama jo e kasi ni. ]
soweli pona li toki e ni. mi lukin e soweli pona. taso lon tenpo lili lili la, soweli pona li kama tawa wawa tawa monsi mi.
mi lukin e monsi mi la, monsuta wan li kama lon!

monsuta ni li monsuta suli ala, taso monsuta ni li ken wawa.
kepeken tenpo lili la, soweli pona li pali e usawi seli. seli sike li kama lon li tawa monsuta lon tenpo lili. monsuta li kama moli.
soweli pona li lukin tawa mi. soweli pona li toki:
[ ni li monsuta nanpa wan a. ]
mi lukin tawa soweli pona. taso monsuta nanpa tu li kama lon monsi pi soweli pona kin!
mi tawa sinpin, li pali e usawi suno. suno linja ni li kama tawa monsuta. monsuta nanpa tu li kama moli.
tomo lili lon li awen kalama. lon tenpo lili la, monsuta tu sin – ala – monsuta tu wan sin – ala – monsuta mute sin li kama lon.
[ mi pali e usawi seli suli. ]
soweli pona li toki e ni.
soweli pona li sewi e luka. seli sike suli li kama lon. seli sike suli ni li kama suno suno la, soweli pona li tawa e seli sike suli tawa monsuta. monsuta mute li kama moli.
monsuta wan taso li len lon monsi pi kiwen wan. soweli pona li tawa sinpin pi kiwen len ni kepeken tenpo lili, li pali e usawi kipisi. luka monsuta li wile pakala e soweli pona. taso soweli pona li pakala e monsuta kepeken usawi kipisi lon tenpo pini. monsuta li kama kipisi li kama moli.
mi lukin sinpin tawa utala pi soweli pona. utala ni li pona li suli. tawa pi soweli pona li nena ala. usawi pi soweli pona li wawa.
soweli pona li lukin monsi tawa mi. soweli pona li toki.
[ sina pona kin? ]
mi toki e ni:
[ sina wawa wawa a. mi pakala ala. ]

utala li pini. kalama pi telo tawa taso li lon, mi tu li kama awen pilin.
[ mi tu li ken kama kama jo e kasi usawi ni. ]
soweli pona li toki la, mi tu li kama jo e kasi usawi lili lon poka pi telo tawa.
mi wile kama sona e usawi kipisi tan soweli pona. soweli pona li toki e sona tawa mi. taso mi ken ala pali pona e usawi ni.
[ lon tenpo pini lili la, mi sike e luka mi. tan ni la, usawi kipisi li kama nena ala li kama wawa. ]
soweli pona li toki tawa mi la, mi lukin pali e usawi kipisi tawa kiwen poka. usawi ni li kipisi ala.
soweli pona li tawa poka mi, li sitelen e nasin pali, li sike e luka mi. mi pali e usawi sin la, usawi ni li kama kipisi.
[ ni li pona. ]
soweli pona li toki.

kepeken tenpo la, mi tu li kama jo e kasi usawi.
mi tu li tawa insa pi tomo linja ni. tomo linja sin li lon tu li linluwi tan insa. telo tu tawa li tawa tan tomo linja tu ni li kama wan lon tomo linja lon.
[ tomo anpa ni li linluwi li suli a. ]
mi toki e ni.
tenpo li tawa la, mi tu li tawa mute lon tomo anpa ni.
telo tawa li ken kama lon tan kiwen len li ken kama weka tan kiwen anpa.
lon tomo suli wan la, mi tu li kama lukin e kiwen usawi suli unu. kiwen usawi ni li kiwen li kipisi ala. taso kiwen ni li suli mute. mi tu li ken ala pana wan e kiwen ni tawa poki pi mi tu.
lon tomo suli ante la, mi tu li kama jo e kiwen usawi loje. kiwen usawi ni li pona tawa usawi pi kule mute. mi tu li ken esun e kiwen ni tawa ijo esun.
monsuta li kama lon lon tenpo mute. mi tu li anpa e monsuta pi kule mute.
monsuta wan li sama ko li ken ante e sijelo. monsuta ni li nasa mute. taso mi tu li anpa e monsuta ni kepeken usawi seli kepeken usawi suno.
monsuta wan ante la, luka kiki tan monsuta ni li ken kama misikeke. mi tu li kama jo e luka kiki ni mute.
tenpo li tawa mute la, mi tu li kama jo e ijo mute. mi tu li wile tawa weka tan tomo anpa ni.
mi sitelen e sitelen mute lon tomo mute. mi tu li ken kepeken sitelen mute ni li tawa lupa.
mi tu li musi. tawa lon tomo anpa ni li pona mute.
taso mi tu li kama lon tomo suli nanpa wan la, noka pi mi tu li kama pini.
mi pilin ike. mi ken ala toki e tan.
mi lukin e soweli pona la, soweli pona li pilin sama.
mi tu li suno e supa anpa la, kiwen lon supa anpa ni li kiwen li nasa ala.
mi tu li suno e sewi tomo la, kiwen leko laso taso li lon. kiwen ni li usawi ala li nasa ala.
taso lon tenpo ni ni la:
[ kalama! ]
mi tu li kute e kalama.
kiwen lon noka mi li kama tawa lili.
[ kalama! ]
mi tu li kute e kalama nanpa tu.
kiwen lili mute lon sewi li kama tawa anpa.
[ kalama! ] [ kalama! ] [ kalama! ]
mi tu li lukin e tan kalama la, mi tu li lukin e monsuta suli!
monsuta wan suli li lon!

monsuta ni li suli mute. len pi monsuta ni li laso li kiwen lukin. sinpin pi monsuta ni li nasa pilin. ni li ike.
soweli pona li kama tawa wawa lon tenpo lili. mi kama tawa wawa kin.
monsuta li moku e kon mute tawa insa sijelo la, monsuta li pana e kon tawa mi. mi tawa wawa. taso mi ken ala kama weka tan kon ni.
kon ni li suli mute. kiwen lon noka mi li kama kalama.
mi tawa wawa tawa kiwen suli wan lon poka li wile len e mi. taso kiwen len ni li kama kalama kin. lon tenpo lili la, sijelo mi li kalama. lawa mi li kama kalama.
lon tenpo ni ni la, soweli pona li tawa wawa tawa poka monsuta li pali e usawi kipisi lon tenpo lili! pakala en suno li lon kipisi ni.
tan kipisi ni la, kon monsuta li kama weka lili tan mi. mi tawa wawa tawa poka li kama weka tan monsuta. ni la, mi pali e usawi suno linja tawa monsuta.
suno linja ni li nena ala li linja mute. taso lon len monsuta la, suno linja li kama jasima li kama kipisi.
soweli pona li tawa poka mi, li toki:
[ len ni li kiwen. mi ken taso kipisi e len. ]
[ usawi suno mi li kama jasima kin. ]
mi toki e ni.
[ mi lukin pali e usawi seli. ]
soweli pona li toki e ni.
[ pona. o pali. ]
mi toki e ni la, mi tawa tawa monsuta li pali e usawi suno mute tawa kiwen leko lon sewi tomo. [ kalama! ] kiwen sewi mute li kama tawa anpa tawa monsuta. kiwen ni li pini e noka monsuta.
lon tenpo ni ni la, tan monsi mi la, sike seli li kama lon. mi tawa poka la, sike seli ni li kama tawa monsuta!
[ kalama! ]
monsuta li kama monsi lili. usawi seli ni li pakala e pakala lon monsuta.
[ ni li pona! ]
mi toki e ni la, mi lukin pali e usawi suno suli tawa pakala ni.
taso lon tenpo ni ni la, monsuta li moku e kon la, li pana e kon sin tawa mi. kon sin ni li sama ala kon pini. kon sin ni li seli seli li kiki. ni li ike. mi wile tawa weka, taso mi ken ala. kon ni li kama pakala e sijelo mi, li tawa e mi tawa kiwen monsi.
sijelo mi li kalama ike. lawa mi li nasa nasa. kiwen lon monsi mi li kama pakala li kama lili.
kepeken tenpo la, kon sin ni li kama pini.
[ ike a. ]
soweli pona li toki, li tawa wawa tawa poka mi. soweli pona li luka e kiwen usawi suli. soweli pona li pali e usawi tawa kiwen ni la, kiwen ni li kama suno. sijelo mi li kama nasa ala. lawa mi li kama pilin.
ni la, mi ken kama tawa sin.
[ mi wile pali e usawi sewi suli. ]
soweli pona li toki tawa mi la, mi tawa sinpin sin. mi lukin e monsuta. monsuta li moku e kon sin lon tenpo lon li wile pana e kon sin.
ni la, mi pali e usawi suno kepeken tenpo lili lili tawa uta monsuta. monsuta li sike e lawa. lon tenpo ni la, monsuta li kama pana e kon. kon ni li kama weka lili tan mi tu. kon ni li tawa kiwen lon poka pi soweli pona. soweli pona li pona li pakala ala.
lon tenpo ni sama la, soweli pona li kama pali mute e usawi seli. linja seli mute li kama lon tan usawi seli. lon tenpo lili la, linja seli ni ale li kama tawa monsuta.
mi lon poka, li lukin e linja seli mute ni tan soweli pona. linja seli ale ni li suno li suli. linja seli li tawa wawa tawa monsuta la, seli li kama lon.
linja seli mute li kama tawa monsuta la, linja seli sin li kama lon. soweli pona li pali e usawi seli mute lon tenpo lili. usawi seli ale ni li pona lukin li loje suno li tawa wawa tawa monsuta.
tomo anpa lon li kama suno. kiwen leko lon sewi tomo li kama walo.

tenpo li tawa lili la, seli li kama pini. kalama li kama pini. monsuta li kama tawa ala.
mi lukin e soweli pona la, sinpin pi soweli pona li wawa pilin.
mi tu li kama poka monsuta, li lukin e monsuta. monsuta li kama kipisi li kama moli.

kepeken tenpo lili la, mi tu li kama lon lupa pi tomo anpa.
mi lukin e sewi. suno li kama weka. sewi li kama pimeja.
kon suwi li tawa. kon kasi en kon telo li lon kon ni tawa. mi pilin e kon.
soweli pona en mi li luka e poki pi mi tu, li tawa lon nasin tawa ma insa Newa Tan Eneli.
kasi suli mute li lon poka nasin. kasi suli ni li laso taso li pona lukin.

usawi seli pi soweli pona li seli, li nasa ala. mi lukin e usawi pi soweli pona lon tenpo wan la, mi ken ala weka sona e lukin ni.
lon tenpo lape lon tenpo suno ni la, mi awen lukin insa e usawi wawa pi soweli pona.
soweli pona li ijo utala wawa. soweli pona li ijo wawa.
mi wile taso kama sama soweli pona, li kama ijo utala wawa.
mi toki insa e ni la, mi kama lape.

toki tu wan: tenpo seli

mi lon tomo sewi.
tenpo li tawa tan open pi tenpo sike. kon li kama seli.
mi kama jo e palisa kasi tan poki mi. mi seli e palisa la, mi pana e palisa ni lon sinpin pi sitelen pi kijetesantakalu sewi Seliwa.
sinpin pi kijetesantakalu sewi Seliwa li suno. oko pi kijetesantakalu sewi Seliwa li suwi. len pi kijetenitakalu sewi Seliwa li loje.
mi lukin e sitelen pi kijetesantakalu sewi Seliwa. mi toki insa: [ suwi tawa sewi Seliwa. wawa tan pali mi. ]

mi weka tan tomo sewi.
kon sewi li laso. suno li suno.
tenpo li tenpo seli pi tenpo sike. kon li kama seli mute.
lon tenpo mute la, kon sewi li ken telo. taso tenpo lon la, len li lon lili lon kon sewi. sewi li telo ala.
mi tawa noka lon poka pi telo Eneli tawa ma esun. kasi ale lon poka pi telo Eneli li laso laso.
kasi sin li kama lon telo Eneli. kasi ni li sama ala kasi palisa lili lon open pi tenpo sike. kasi ni li suli. lipu pi kasi ni li lon sewi telo li sike mute. lon tenpo la, iseki li kama lon sewi lipu. iseki ni li kama open la, iseki ni li pona lukin mute.
kasi palisa suli lon poka pi telo Eneli li kama suli li kama sewi. kon pi kasi palisa suli ni li suwi li pona pilin.

tenpo li tawa tan open pi tenpo sike la, usawi mi li kama pona lili kin. mi kama kama sona e usawi kipisi tan soweli pona. mi ken ala utala pona kepeken usawi kipisi lon tenpo lon. taso utala mi li kama pona lili.
ante la, soweli pona li kama wawa mute. lon tenpo pini lili la, soweli pona li utala e monsuta telo suli lon telo Eneli li anpa e monsuta ni. ni li suli. ijo mute lon ma insa Newa li toki e utala ni.

mi kama lon ma esun.
mi lukin e ma esun la, ma esun lon tenpo lon li sama ala ma esun lon tenpo mute. ilo tawa li lon mute lon poka nasin. ijo li lon mute lon tomo poki.
lon tenpo pini lili la, ijo esun mute tan nasin nena pi akesi loje li kama kama lon ma insa Newa. ijo esun ni li kama tawa tan ma suli sewi lon open pi tenpo sike, li tawa lon nasin nena pi akesi loje lon kipisi pi tenpo sike, li kama lon ma insa Newa lon tenpo seli lon tenpo lon.
lon tenpo suno pini la, ijo esun sin wan li kama lon. lon suno kama lili la, ijo esun ante mute li wile kama lon.
ijo esun ni mute li tawa e kiwen namako e lipu usawi. ijo esun ni li wile esun e ijo ni lon ma insa Newa. ni la, ijo esun ni li kama esun e ijo sin, li kama tawa e ijo sin ni tawa ma suli sewi lon tenpo kama lili.

mi kama lon insa insa pi ma esun.
sona pi soweli pona la, ijo esun sin tan tenpo suno pini li tawa e lipu usawi. ijo esun sin ni li wile esun e lipu usawi lon tenpo suno lon.
lon tenpo kama lili la, soweli pona li kama lon kin.
[ toki a! ]
mi toki e ni la, soweli pona li toki:
[ toki a. sina pilin pona anu seme a lon tenpo. ]
[ mi pilin pona. mi ken kama jo e sona usawi sin la, mi pilin pona. ]
mi toki e ni.
[ sama a. ]
soweli pona li toki.
mi tu li toki musi, li kama tawa tomo esun suli. tomo esun suli li tomo suli nanpa wan lon ma esun. lon tomo esun suli la, supa esun mute li lon. ijo esun ale li ken kama jo e supa esun wan kepeken pali lili, li ken esun e ijo lon supa esun.
soweli pona li toki tawa ijo esun ante la, ijo esun ante li toki e supa pi ijo esun sin tawa mi tu. mi tu li kama tawa supa ni. taso ijo esun sin li lon ala.

suno li kama sewi lon tenpo lon. ijo esun mute li open e esun lon tomo esun suli.
lon tenpo ni la, waso wan li kama lon supa ni.
waso ni li waso suli. sijelo pi waso ni li walo pimeja. taso luka en monsi pi waso ni li laso telo. lukin la, luka pi waso ni li wawa wawa. ken la, waso ni li tawa ma mute.
[ toki! mi waso Kipo. mi kama lon ma insa Newa lon tenpo suno pini. a. sina soweli Menaka anu seme. ]
waso li toki tawa soweli pona.
[ toki! toki! waso Kipo o. sina sona e mi a! ]
soweli pona li toki.
[ mi kute e sona pi sina anu sina tu lon tomo moku lon tenpo pimeja pini. toki tan ijo ante la, sina tu li ijo usawi pona. sina kama sona e ijo esun pi lipu usawi la, sina wile kama esun e lipu usawi. ]
[ a. ni li lon. mi tu li wile lukin e lipu usawi mute li wile pona e usawi pi mi tu. ]
[ pona a. ijo sama sina tu li pona tawa mi. ]
waso Kipo li toki la, waso Kipo li kama jo e lipu usawi mute tan poki, li pana e lipu usawi tawa supa.
waso Kipo li jo e lipu usawi mute mute!
lipu usawi mute tan waso Kipo li lipu tan tenpo pini. sona tan lipu ni li suli li mama tawa usawi lon tenpo lon.
lipu usawi mute kin li lipu sin. mi tu li sona ala e lipu sin ni mute.
lipu tawa usawi pi kule mute li lon. lon nanpa wan la, mi tu li wile alasa e lipu tawa usawi kipisi. ijo lili li sona e usawi kipisi. lipu tawa usawi kipisi li mute ala mute ala. kepeken tenpo la, mi kama lukin e lipu wan. sinpin pi lipu ni li toki: [ usawi kipisi suli: nasin sin tawa usawi kipisi suli ] lon anpa pi toki suli ni la, toki lili wan li lon: [ tan waso usawi Liniku ]
mi pana e lipu ni tawa soweli pona la, oko pi soweli pona li kama suno.
[ a! lipu ni li tan waso usawi Liniku. mi sona ala e lipu ni. taso lipu ale tan waso usawi Liniku li pona. ]
soweli pona li toki la, soweli pona li open e lipu.
[ waso Liniku li pali e lipu ni lon tenpo sike pini. lipu ni li sin sin. ]
waso Kipo li toki.
mi tu li lukin e insa lipu la, nasin usawi en sona usawi li lon mute lon lipu ni. soweli pona li toki:
[ nasin usawi lon lipu ni li sin. mi sona ala e nasin usawi ni. mi tu li wile esun e lipu ni. ]
sinpin pi waso Kipo li kama suwi. waso Kipo li toki:
[ sina tu li wile pona e usawi pi sina tu. ni li pona tawa mi. mi ken esun e lipu ni tawa sina tu. ]
[ sina pona! ]
soweli pona en mi li toki.
[ sina wile ala wile e lipu ante kin. ]
waso Kipo li toki.
[ mi la, mi wile e lipu usawi tawa usawi seli. taso lipu tawa usawi ante li lon la, mi wile kama sona e usawi ante kin. ]
soweli pona li toki e ni.
[ mi wile e lipu tawa usawi suno. sama soweli pona la, ken la mi wile kama sona e usawi ante kin. ]
mi toki e ni.
waso Kipo li toki:
[ sina tu li pona a. lipu mute tawa usawi seli tawa usawi suno li lon. sina ken alasa e lipu pona. ]

tenpo li tawa lili la, mi tu li kama lukin e lipu pona mute.
mi tu li esun e lipu mute ni tan waso Kipo. ni la, mi tu li kama weka tan tomo esun.
[ waso Kipo li jo e lipu mute mute a. ]
mi toki e ni.
[ lon a. lipu mute pi waso Kipo li pona. waso Kipo li sona e lipu pona. ]
soweli pona li toki.
[ ken la, waso Kipo li ijo utala kin. ]
[ ni li ken a. ]
soweli pona li toki musi.
mi tu li tawa noka lon ma insa Newa tawa poka pi telo Eneli. lon poka telo la, mi tu li ken lukin e lipu, li ken lukin pali e usawi tan lipu.
taso mi tu li tawa lon poka pi tomo utala la, mi tu li kute e kalama mute lon tomo utala.
[ kalama ni li seme a. ]
soweli pona li toki e ni.
kute la, ijo mute mute li lon tomo utala li toki. ni li nasa.
mi tu li tawa tomo utala li tawa lukin.

lon tomo utala la, ijo utala mute mute li lon.
lon insa insa pi tomo utala la, ijo esun tu li lon.
ijo esun tu ni li ike lukin. len pi ijo esun tu ni li pakala. oko pi ijo esun tu ni li suno ala. ni li nasa.
ijo utala mute li kama lukin e soweli pona la, li tawa toki tawa soweli pona.
tan toki pi ijo utala mute la, ike li lon:
akesi loje suli wan li kama lon poka lon nasin nena pi akesi loje. akesi loje ni li anpa e kulupu pi ijo esun ni. ijo utala tu wan lon kulupu ni li kama moli. ijo esun tu ante li kama moli. ijo esun tu ni taso li ken kama weka tan akesi loje li kama moli ala.

akesi loje la, mi sona. mi ale li sona. akesi loje li monsuta wawa nanpa wan.
akesi li suli suli. sijelo pi akesi wan li ken sama ma insa lili wan. akesi li tawa lon kon sewi la, sewi ale li ken kama len. suno li ken kama pimeja. usawi pi akesi loje li ike. akesi loje li pali e usawi tawa ijo wan la, ijo ni li ken ala tawa weka lon tenpo lili lili la, ijo ni li moli.
akesi loje li lon poka pi ma insa Newa Tan Eneli. toki ni li toki pi ike mute. ken la, akesi li kama tawa ma insa la, ma insa ale li ken kama pakala.
kin la, ijo esun mute li lon nasin nena pi akesi loje li wile kama lon ma insa Newa lon tenpo kama lili. ijo esun ni ale li ken kama moli tan akesi loje ni. ni li toki ike.
lon tenpo lon la, ijo utala wawa mute li kama lon tomo utala. ijo utala wawa ni li wile kama kulupu li tawa anpa e akesi loje. lon kulupu ni la, ijo utala wawa tan ma Newa Tan Eneli li lon. mi sona e ijo utala ni mute. taso ijo utala mute tan ma suli sewi li lon kin. ijo utala ni li kama lon ma insa Newa lon tenpo pini lili la, li wile tawa utala sin e akesi loje. ijo utala mute ni li wawa wawa kin.
ijo utala li toki tawa soweli pona:
[ soweli Menaka o. sina kama sona e toki a. sina wile la, mi ale li wile e ni: sina tawa utala e akesi loje kin lon kulupu. ]
kepeken tenpo lili lili la, soweli pona li toki wawa jasima:
[ ken! mi wile kama lon insa pi kulupu ni li wile utala e akesi loje. ]
soweli pona li ijo wawa. akesi loje li monsuta wawa wawa, taso soweli pona li awen pilin ala, li toki jasima kepeken tenpo lili.
mi wile utala lon poka pi soweli pona kin. mi toki:
[ a. mi ken ala ken utala kin? ]
mi toki e ni la, ijo utala li lukin e mi, li toki tawa mi:
[ mi ike a. mi sona e wile sina. sina wile utala lon poka pi ijo pona sina. taso akesi loje li monsuta ike nanpa wan. mi la mi tawa utala e akesi loje la, mi ken kama moli. sina la sina ken ken kama pakala. sina wile utala lon kulupu. mi ale li pilin pona. taso, ni li ken ala. mi ike. ]
soweli pona li kute e ni la, soweli pona li wile toki e toki seme tawa ijo utala. taso soweli pona li toki e toki ala.
mi lukin e soweli pona la, oko pi soweli pona li nasa pilin. soweli pona li kama toki tawa mi:
[ mi wile mute e ni: sina tawa utala lon poka mi. taso akesi suli la, ken la mi ken ala len e sina lon tenpo ale. sina kama moli la, ni li ike ike ike tawa mi. mi wile ala e ni. ]
[ mi sona. ]
mi toki tawa soweli pona li pana e uta pona tawa soweli pona.
mi sona. mi ijo utala wawa ala. mi wile utala lon poka pi soweli pona lon tenpo ale. taso lon tenpo mute la, ni li ken ala. soweli pona li wan li utala e monsuta.

　★　★　★　

tenpo li tawa li tenpo pimeja.
mi lon tomo moku.
lon tenpo pini lili la, kulupu utala li kama weka tan ma insa Newa Tan Eneli.
ijo utala LLLTW li lon kulupu utala. mi lon ala kulupu la, mi awen lon ma insa Newa.
mi moku e moku lon tomo moku, li toki insa e ijo pini.

tan tomo utala la, soweli pona en mi li tawa tomo pi soweli pona.
soweli pona li pana e lipu usawi sin tawa supa lipu. ni la, soweli pona li kama jo e poki suli. soweli pona li kama jo e kiwen usawi pi kule mute tan supa usawi, li pana e kiwen usawi ni tawa poki.
soweli pona li kama kepeken len usawi wawa. soweli pona li pana e len seli kin tawa poki. lukin pi soweli pona li pona wawa.
soweli pona li kama jo kin e misikeke e moku e ijo ante mute, li pana e ijo ni tawa poki. ni la, soweli pona li kama pona.

lon tomo utala la, kulupu li kama pona. ijo utala ale li pona.
lon tenpo lili la, kulupu ni li kama tawa.
kasi palisa lon poka pi telo Eneli li suli. sewi li kama telo lili. taso sewi li kama telo lon tenpo lili. suno li kama lon.

lon open pi nasin nena pi akesi loje, kulupu en mi li kama weka.
akesi loje li monsuta wawa. mi ken taso wile e pona tawa soweli pona tawa kulupu.
mi toki e ni tawa soweli pona:
[ sina o len pona e sina. sina o utala pona, o kama ala pakala tan akesi loje. ]
[ sina pona. mi ken pona. ]
soweli pona li toki.
[ utala li pini la, sina o tawa pona tawa ma insa Newa. mi awen lon ma insa Newa li awen tawa sina. ]
[ pona. sina ken kama pilin pona. mi o tawa pona. ]
soweli pona li toki pona.

mi lon tomo moku wan.
soweli pona li tawa utala li kama weka. mi ken taso awen tan soweli pona lon ma insa. mi wile taso e pona pi soweli pona.

lon tenpo lon la, toki li kama tawa mi.
[ toki! sina ijo usawi lon poka pi soweli Menaka anu seme. ]
mi kama lukin e ijo toki la, waso Kipo li lon.
[ toki! ni li lon. ]
waso Kipo li toki:
[ seme li lon a. lukin mi la, pilin sina li pona ala a. ]
mi toki e ni:
[ a. lon tenpo pini la, toki pi ijo esun tu la, akesi loje li kama lon nasin nena pi akesi loje. ijo utala mute li kama utala e akesi loje. ]
[ ni li ike! soweli Menaka li tawa utala kin anu seme. ]
[ ni li lon. mi ijo utala wawa ala la, mi ken ala. ]
mi toki pi wawa ala e ni.
[ a. mi kama sona. ]
waso Kipo li toki.

ni la, mi kama toki ala. waso Kipo li lukin e ni la, li toki sin:
[ ijo utala lon ma insa Newa li pona a. ijo utala li anpa e akesi loje la, ijo esun sama mi li ken tawa pona lon nasin nena pi akesi loje. ]
[ ni li lon. ]
mi toki.
waso Kipo li toki:
[ soweli Menaka li ijo pona tawa sina anu seme. sina tu li suwi a. ]
mi toki:
[ soweli Menaka li soweli pona tawa mi. lon tenpo pini la, mi lon poka moli tan monsuta la, taso pona Menaka li kama len e mi li kama moli e monsuta. tan pona Menaka la, mi kama moli ala. tan tenpo ni la, pona Menaka li pana e sona usawi mute tawa mi. mi kama ijo utala tan pona Menaka kin. ]
waso Kipo li kute e toki mi. mi awen toki:
[ lon tenpo lon la, pona Menaka li kama ijo utala wawa wawa. taso mi ijo utala pi wawa ala. mi wile utala lon poka pi pona Menaka. taso ni li ken ala. ]
waso Kipo li kute la, waso Kipo li toki:
[ ni li ala. sina ken kama ijo utala wawa lon tenpo kama lili. mi ken toki e ni. ]
[ sina pona. ]
waso Kipo li toki kin:
[ kin la, sina tu li sona e usawi kipisi a. ijo mute li sona ala e usawi ni. ]
[ a. ] mi toki: [ tan tenpo pini la, pona Menaka li wile pona mute e usawi pi pona Menaka. pona Menaka li kama jo e lipu usawi mute li lukin e lipu mute. pona Menaka li kama sona e usawi kipisi tan lipu wan. ]
[ ni li pona a. sina ken pali e usawi kipisi kin anu seme. ]
waso Kipo li toki.
[ mi kama pali e usawi kipisi lon tenpo sike lon. taso lon tenpo lon la, mi ken ala pali pona e usawi kipisi. pona Menaka li ken pali pona. ]
[ a. lukin mi la, usawi kipisi sina li ken kama pona kin. ]
[ sina pona. a kin la ] mi toki sin: [ pona Menaka li toki e ni a. lukin la, sina sona mute e usawi. ken la, sina ijo utala usawi kin. ]
waso Kipo li toki:
[ a. oko pi soweli Menaka li pona a. lon la, mi ijo utala usawi kin. ]
mi toki e ni:
[ ni li wawa a. sina kama ijo utala usawi la, sina ken kama ijo esun kin. ]
[ a a. ni li ala. mi esun ike. ]
waso Kipo li toki.
[ kin la, ] waso Kipo li toki: [ sina sona ala tomo sona suli lon ma insa Silon a. ]
mi sona e nimi ni:
[ a. mi sona e ni. tomo sona ni li tomo sona nanpa wan lon ma suli sewi. ]
[ lon. soweli Menaka en sina li wile pona pona e usawi pi sina tu la, sina tu li ken tawa tomo sona suli ni. ]
[ mi kama sona. ijo ante lon tenpo pini li toki e ni tawa mi tu kin. mi tu li kama jo e mani mute li ken tawa ma suli sewi lon nasin nena pi akesi loje la, mi tu li wile tawa tomo sona ni. ]
[ ni li pona. ]
waso Kipo li toki.

waso Kipo li toki e toki mute tawa mi lon tomo moku. waso Kipo li toki ala e wawa pi waso Kipo. taso tan toki la, waso Kipo li ken taso ijo wawa wawa. waso Kipo li sona mute e usawi, li tawa ma mute lon tenpo pini.
mi tu li pini e moku la, waso Kipo en mi li kama weka. waso Kipo li tawa tomo lape pi waso Kipo. mi tawa tomo mi.

mi lon supa lape lon tomo mi. mi toki insa e soweli pona e waso Kipo.
waso Kipo li tawa suli lon nasin nena pi akesi loje tawa ma insa Newa.
lon tenpo lon la, soweli pona li lon nasin nena pi akesi loje kin.
mi wile e pona taso tawa utala pi soweli pona.
mi open e oko mi, li lukin e sitelen pi soweli Seliwa lon supa poka.
[ sewi tawa sewi Seliwa. pona taso tawa soweli pona mi. ]
ni la, mi kama lape.

　★　★　★　

suno li kama, li weka, li kama.
kon li kama seli, li kama lete, li kama seli sin.
tenpo suno tu li weka.
kulupu pona li kama ala lon ma insa Newa. soweli pona li kama ala lon ma insa Newa.
mi awen lon ma insa Newa lon poka pi nasin nena pi akesi loje.
mi lukin e lipu usawi sin tan waso Kipo, li lukin pali e usawi tan lipu ni.
telo lon telo Eneli li tawa. kalama telo li lon.
mi lukin tawa nasin nena pi akesi loje la, ijo ala li kama lon.

lon tenpo lon tenpo pimeja la, mi toki tawa waso Kipo lon tomo moku. waso Kipo li sona e sona usawi mute, li pona tawa mi.
lon tenpo lape la, mi toki e toki e wile mi tawa sewi Seliwa. sinpin pi sewi Seliwa li suwi.

　★　★　★　

suno li weka, li kama sin, li weka sin, li kama sin.
tenpo suno tu tu li kama weka.
sona pi kulupu utala li lon ala. ijo ala li kama lon tan nasin nena pi akesi loje. ijo utala li kama lon ala. ijo esun li kama lon ala kin.

mi lon poka pi nasin nena pi akesi loje, li lon poka pi telo Eneli.
mi lukin e lipu usawi mi. telo li tawa lon telo Eneli.
kon li tawa la, mi ken pilin e kon pi kasi palisa e kon telo.
mi lukin tawa sewi la. len li lon mute lon sewi. lon tenpo lon la, suno li tawa len. sewi li kama pimeja.
[ ni li ike! ] mi toki insa e ni.
mi tawa wawa tawa tomo, li wile pana e lipu usawi tawa tomo. lipu li wile ala telo.
ni la, mi tawa sin tawa poka pi nasin nena pi akesi loje.

sewi li kama telo lon tenpo lili.
mi moku e telo tan sewi la, telo ni li pona. mi pilin e kon la, kon telo li suwi.
mi lukin tawa nasin nena pi akesi loje la, ijo ala li lon.
mi pini e oko mi. kalama telo taso li lon.

mi lape lili lon ma ni. taso lon tenpo kama ni ni la, mi ken kute e kalama mute.
mi open e oko mi lon tenpo lili li lukin tawa kalama ni.
kalama ni li tan nena pi akesi loje.
mi tawa nasin nena pi akesi loje la, mi ken lukin e ijo mute lon weka.
ijo mute ni li kulupu utala!
mi tawa wawa tawa ijo mute ni.
mi kama lon poka pi ijo mute ni la, nasa li kama lon: mi ken ala kama lukin e soweli pona mi.
ni li nasa mute.
ni li ken ala.
mi pini e oko mi, li open sin li oko mi, li kama lukin.
taso soweli pona li lon ala.
mi wile toki tawa ijo ante la, lon tenpo lon la, mi kama lukin e sinpin pi ijo ante.
pilin pi ijo ale li ike li nasa.
mi lukin e ijo ale la, ijo LL taso li lon. sona mi la, ijo utala LLLTW li lon kulupu utala.
a! mi sona! ni li ken. kulupu ni li kama kulupu tu lon utala. ijo utala LL li lon kulupu nanpa wan. kulupu ni li kama lon ma insa Newa lon tenpo lon. taso lon tenpo kama lili la, kulupu nanpa tu li kama lon kin.
ni li ken.

taso ijo utala wan lon kulupu ni li lukin e mi la, li tawa sinpin mi. ijo utala ni li pana e poki suli tawa mi.
poki ni li poki pi soweli pona.

toki tu tu: lon anpa pi sewi walo lon sewi pi telo suno

mi lon… mi sona ala e lon mi.
mi open e oko mi la, mi ken taso lukin e pimeja. ijo ala li lon pimeja.
mi pini e oko mi la, mi kute e kalama ala. kalama ala li lon.

ken la, tenpo li tawa lon tenpo lon. mi sona ala. tawa mi la, tenpo li tawa ala.

mi kama lape ala la, mi kama lape. mi kama lape la, mi kama lape ala.
mi sona ala e nasin lape.
mi sona ala e sona mi.

lon tenpo wan la, kalama suli wan li kama lon. kalama suli wan li lon.
[ kalama! ]
lon mi li kama suno mute lon tenpo lili. oko mi li kama pini tan suno ni. kepeken tenpo la, mi open sin e oko mi.
mi kama lukin e sewi. sewi tomo li lon. lukin la, sewi tomo ni li sama sewi pi tomo mi. mi sona ala.
mi lukin e poka la, ijo wan li lon. ijo ni li sama ala soweli pona. mi ken ala sona.
lon tenpo la, ijo ni li pana e kalama:
[ … pona … moku … ]
[ … wile sina … soweli pona sina … ]
mi kute e kalama. taso mi sona ala e kalama ni.
ijo ni li kama luka e mi. mi sona ala e luka ni

lon tenpo la, luka ni li kama weka. kalama ni li kama weka.
mi pini e oko mi, li kama lape.
tenpo li tawa lili la, mi kama lape ala sin.
ijo sin li lon poka mi. mi open e oko mi, li lukin e ijo lon poka mi. mi sona ala e ijo ni.

mi lukin lukin e ijo ni la, ijo ni li sama moku.
mi ken moku e moku ni.
lon poka ijo ni la, ijo sama telo li lon.
mi ken moku e telo ni.
mi kama sona e ni.

mi kama moku e moku e telo. lon tenpo ni la, mi kama lukin e sitelen lon supa poka.
mi lukin e sitelen ni la, kijetesantakalu wan li lon sitelen ni.
len pi kijetesantakalu ni li loje. luka pi kijetesantakalu ni li kiwen. oko pi kijetesantakalu ni li suno.
kijetesantakalu ni li kijetesantakalu sewi Seliwa. mi kama sona e ni.
mi lukin e mi la, len mi li pona ala. luka mi li nasa. mi ken ala lukin e oko mi.

mi moku e moku e telo la, mi kama lape sin. taso lon tenpo lili la, mi kama lape ala. sin li kama lon lawa mi.
kule mute li kama lon li tawa sike lon lawa mi. kule ni li tawa sike li tawa sike.
kepeken tenpo la, mi kama lukin e kule ni. mi kama kama sona sin e mi.
mi kama sona sin e wile mi.

mi wile kama ijo wawa. mi wile kama ijo utala wawa.
mi wile tawa lon poka pi soweli pona mi. mi wile utala lon poka pi soweli pona mi.

ni li wile mi.
mi open e oko mi. mi lukin e tomo lon. tomo lon li tomo mi taso. mi lon tomo mi.
mi kama weka tan supa lape. sitelen pi sewi Seliwa li lon supa poka.
mi lukin e sewi Seliwa. sinpin pi sewi Seliwa li suwi.
mi kama sona sin e lon mi.
mi awen lape lon tomo mi tan tenpo pini.
lon tenpo pini ni la, mi kama sona e toki ike. soweli pona mi – soweli pona Menaka – li kama moli tan utala.
mi kama sona sin e toki ike ni la, pilin mi li kama ike ike. oko mi li kama telo.
ni li ala a.
ken la.
ken la, mi wawa la, mi ken tawa utala lon poka pi soweli pona.
ken la, mi lon poka la, mi ken pona e utala pi soweli pona, li ken len e soweli pona.
ken la, lon tenpo lon la, soweli pona li awen lon poka mi, li kama moli ala.
pilin ni li pilin ike. taso pilin ni li pilin mi.
mi kama sona sin e pilin mi.

mi toki insa mute.
lon tenpo la, mi kama wile pilin e kon tan telo Eneli. mi wile lukin e telo lon telo Eneli.
mi open e lupa pi tomo mi. kon li kama tawa insa pi tomo mi. kon ni li lete ala li pona.

mi kama tawa noka lon poka pi telo Eneli.
mi lukin sewi la, suno li kama kama weka. sewi li kama pimeja.
mi lukin anpa mi la, telo lon telo Eneli li tawa li kama pimeja kin.
kon li tawa la, mi ken pilin e kon telo e kon kasi. kon tan kasi palisa suli lon poka pi telo Eneli li suwi pilin mute. tenpo lon li ken tenpo pona. mi pilin pi pona lili.

mi kama lon sinpin pi tomo moku. kon moku li kama lon. mi open e lupa pi tomo moku ni, li lukin e insa pi tomo moku ni.
ijo mute li lon tomo moku. ijo wan li lukin e mi la, ijo ni li kama tawa sinpin mi.
mi lukin e ijo ni la, mi toki:
[ a! waso Kipo o! ]
waso Kipo li toki tawa mi.
[ toki! sina awen lon tomo sina lon tenpo mute. ni li ike. sina ken kama lon tomo moku la, ni li pona. ]
mi toki e ni:
[ sina pona. a! ijo lon tomo mi lon tenpo pini li sina anu seme a. mi ken ala kama sona e ijo lon tenpo ni. ]
[ ni li mi. mi lon. sina lon tenpo ni li ike mute. taso sina kama pona la, ni li pona tawa mi kin. o kama lon insa o kama moku mute! ]
[ sina pona. ]
mi toki e ni.

suno lon tomo moku li suno. ijo pi kule mute li kama lon tomo moku ni, li moku e moku mute, li kama pona, li kama weka.
mi pana e moku tawa uta mi. moku ni li pona mute.
mi toki insa mute la, mi kama sona e wile mi sin. wile mi sin li sama wile mi lon tenpo pini.
mi wile ala e ni: toki sama toki pi soweli pona li kama lon sin.
mi ken taso kama ijo utala wawa. mi wile taso kama ijo utala wawa.

mi toki tawa waso Kipo:
[ mi ike a. sina wile ala wile tawa noka lon poka pi telo Eneli lon poka mi a. ]
waso Kipo li pona, li toki:
[ ken a. sina moku pona la, mi ken kama tawa noka. ]

sewi li kama pimeja. telo lon telo Eneli li kama pimeja kin.
kon li tawa la, kasi palisa suli lon poka telo li kalama.
waso Kipo en mi li kama tawa noka lon poka pi telo Eneli.
mi toki tawa waso Kipo:
[ mi wile taso kama ijo utala wawa, li sama pona Menaka li sama sina. mi wile tawa tomo sona suli lon ma insa Silon li pona e usawi mi. sina ken la, mi wile e ni: sina ken tawa e mi tawa ma suli sewi. ]
waso Kipo li toki:
[ sina ante ala e wile sina, li awen wile kama ijo utala wawa la, ni li pona. ken! mi ken tawa e sina tawa tomo suli sewi. ]
[ sina pona! pona mute tawa sina. ]
mi toki e ni tawa waso Kipo.

　★　★　★　

tenpo li tawa lili.

lon tenpo ni la, mi ijo mute mute.
mi toki tawa ijo sitelen wan la, ijo sitelen ni li sitelen e soweli pona tawa mi.
ni la, mi tawa tomo pi soweli pona. mi pona e ijo lon tomo, li pana e sitelen ni lon insa insa tomo. mi toki e toki pini, li pana e pilin pona tawa soweli pona mi.
mi kama jo e ijo mute tan soweli pona mi. mi kama jo e sona usawi, e wawa pilin, e tenpo suwi tan soweli pona. mi wile weka sona ala, li ken weka sona ala e sona pi soweli pona mi, e sona pi soweli pona Menaka lon tenpo kama ale.

mi toki tawa ijo utala ante. toki pi ijo utala la, utala pi akesi loje li ike ike.
soweli pona li wawa li utala pona. lon tenpo ni la, akesi loje li kama tawa anpa, li tawa utala e kulupu pi soweli pona. soweli pona li len e ijo utala ante, li kama moli tan ni.
mi toki e pona tawa ijo utala ale lon ma insa Newa Tan Eneli. ijo utala lon ma insa Newa li suwi tawa soweli pona li suwi tawa mi.

mi kama sona mute e waso Kipo lon tenpo ni. lon la, waso Kipo li ijo utala usawi wawa wawa. waso Kipo li wile kama jo e mani mute. tan ni la, waso Kipo li kama ijo esun lon nasin nena pi akesi loje. waso Kipo li jo e mani la, waso Kipo li wile tawa ma supa linluwi tawa ma ante mute.
tan ni la, waso Kipo li sama ala ijo esun ante. lon nasin nena pi akesi loje la, waso Kipo li wile ala e ijo utala wawa lon poka. waso Kipo li ijo utala wawa.
waso Kipo li kama lon ma insa Newa la, waso Kipo li lukin e soweli pona e mi. linluwi pi mi tu li pona mute tawa waso Kipo. waso Kipo li ijo wan wan lon tenpo mute.
kin la, mi tu li wile wile pona e usawi pi mi tu. waso Kipo li wile pona pona u usawi pi waso Kipo lon tenpo ale, li pilin sama kin.
soweli pona li kama moli la, ni li ike tawa waso Kipo. waso Kipo li wile tawa e mi tawa tomo sona suli. ni li pona tan waso Kipo, li suwi tan waso Kipo.
waso Kipo li waso pi pona mute.

　★　★　★　

tenpo li tawa la, tenpo suno tawa li kama lon.
tenpo li open pi tenpo suno. mi kama lape ala tan supa lape. mi kama kepeken len usawi, li luka e poki suli mi.
lon poki suli ni la, sitelen pi soweli pona en sitelen pi sewi Seliwa li lon. mi pana e moku mute e kasi misikeke e len seli e lipu usawi tawa lipu suli ni.
mi open e lupa pi tomo lape lon la, waso Kipo li open e lupa pi tomo pi waso Kipo.
waso Kipo en mi li toki pona. mi tu li lukin e poki pi mi tu. ijo ale li lon poki. mi tu li pona.

kon li kama suno. telo li kama walo.
lon sinpin pi tomo lape la, waso Kipo li luka e mi. ni la, waso Kipo li kama tawa kon tawa sewi.
mi lukin e anpa. tomo li lon mute lon ma insa Newa Tan Eneli.
lon poka la, telo Eneli li linja li tawa. suno li kama lon. telo Eneli li kama suno.
waso Kipo li luka e mi, li tawa kon tawa nena suli tawa ma suli sewi, li tawa lon anpa pi sewi walo lon sewi pi telo suno.

toki tan jan pali.

mi jan pali. mi pali e lipu ni.
sina wile lukin e lipu suli ni la, ni li pona mute. pona tawa sina.
toki pona li sin tawa mi. nasin toki mi li ken ike.
lon tenpo sike lon la, sitelen tawa Mushoku Tensei II li kama lon. sitelen pi sitelen ni tawa li pona ala tawa mi. taso toki pi sitelen ni tawa li pona mute. mi pali e lipu ni tan toki Mushoku Tensei. taso mi sona e ni: lipu mi li pona ala li sama ala toki pona Mushoku Tensei.
sina wile toki e nasin toki pona e nasin toki e toki Mushoku Tensei tawa mi la, sina ken. utala pona li pini la, sina ken toki tawa mi.

ante la, mi wile toki e pona tawa ijo ale lon ma pona. mijun Niwe anu kala Asi anu soko Miselija anu jan Likipi anu ijo ante.
mi wile toki e pona tawa ijo ale lon ma sona pi toki pona. jan Ke Tami anu moku ala Samo anu ilo Tani anu sike Sapi anu ijo Wen.
kin la, mi wile toki e pona tawa jan lakuse kin.
sina ale li suwi mute tawa mi. pona tawa sina ale.

pini!