toki musi pata
mute nimi: lili, LWAMMMLLW
o sona e ken ike lon lipu ni
toki musi pi lipu ni:
mi weka e pilin tan moli ni
mi weka e pilin tan moli ni.
moli o pakala, o namako.
sin suwi sina li ken sama mi.
mi awen alasa kama pilin
e ike jan ante lon sijelo.
mi weka e pilin tan moli. ni
li awen wawa e wawa ali.
mi taso o pona! o ni. taso,
sin suwi sina li ken. sama mi
la, ona o len e wile pini
e wile open e pilin selo.
mi weka e pilin tan moli ni.
moli li seme li ken lon e sin
tawa nasin ali, tawa oko?
sin suwi sina li ken sama. mi
wile e sina e sama ni kin.
sina weka tan mi. lon mi li kon.
mi weka e pilin tan moli ni.
sin suwi sina li ken sama mi.
pake
o tawa ona.
ona o sona
e kalama ike
e ike poka.
linja lawa en
sitelen en ken
en open nasa
o ike sama.
tenpo nasin li lon,
la mi o utala.
ilo nanpa taso
li lon e pakala.
mi pake e pakala,
la mi o moli kin.
wawa la, mi ala
li jan e pilin sin.
jan li jaki e kon
e tenpo majuna.
kin la, nasin mani
li lon e monsuta.
mi pake e monsuta,
la ike ante li
kama kepeken a
tenpo lili lili.
mi o tawa.
mi toki telo
lon tenpo ni.
mi weka e pilin
tan moli.
mi suwi ala tawa ona kin.
wile mi li pasila ala.
mi kiwen e tomo
kepeken palisa.
mi palisa e ilo nanpa.
ona o pakala!
tenpo nasin li lon,
la mi o utala.
ilo nanpa taso
li lon e apeja.
mi pake e apeja,
la mi kama olin
e ali lon mi a
e ali sina kin.
nasin kulupu li
open kama ijo
e ike toki mi
e ike namako.
mi pake e pake mi.
pake mi o tenpo
e nimi moli ni.
mi wile lon suno.
ilo nanpa o wawa ala
la, sina wile e pona
tawa jan ali.
o lon e ni.
sina o pake ala e mi.
(tan seme la jan o pana e nimi tawa pali ona?)
apeja li seme?
pilin li lete
li suli e ni:
monsuta mute
li ken kama kin
li alasa sin
e musi lon monsi
e suwi pini
tan mi seme?
apeja li pilin
li pilin ike.
olin li ala
e pilin sin.
kulupu mama
o sama kin.
sina weka la
sina ken anpa.
anpa jan li jaki
li ken pakala.
apeja li wawa
li wawa e mi.
mi lon pona ala.
lon ni li moli.
toki linja
sitelen suwi li toki linja
li toki soweli kepeken ni:
jan li wile open e nasin e
selo telo musi lon lipu la,
kulupu ona o ken sona o
toki wawa e pilin e ali.
nasin toki li nasin jan. ali
jan li wile kepeken e linja
ko pi pana sona suli. mi o
suli e ni. taso, nasin wan ni
li ken ala ante e suli la,
sina o awen pali e ni e
linja toki e toki linja e
musi kalama kepeken ali.
ni li wawa pi jan kulupu la,
kulupu lawa li open linja
li open nanpa e jan ona. ni
la, ona li ken kama sama. o
olin! o suwi! o alasa! o
wan e pilin sin. sina o ni e
kulupu mi. lipu o kama ni.
lipu li ali. soweli ali
o lukin e lipu pona linja.
tenpo la, utala ike ni la,
mi pona. wawa mi o sona la,
sona o utala e toki. o
toki. o sitelen. sina linja
e nimi. sina nimi nasa e
toki sitelen. ona li ali
li nasin pi mi ali. ijo ni
li ken nasa. taso, namako ni
o seme tawa weka tenpo la,
mi o seme tawa weka ali?
weka pilin li musi. moli o
ala la, toki li pakala e
wile open e kulupu linja.
mute mi wawa pi sin mute o,
sina lon ilo. mi o toki e
sitelen suwi e toki linja.