o tawa lipu kama: kijetesantakalu en ma kasi >
lipu #1
- leko #1: jan utala wawa pi len kiwen awen li utala kepeken palisa utala suli a. toki: “mi awen e kulupu mi.”
- leko #2: telo loje. toki: “mi pini e jan mute. taso…”
lipu #2
- leko #1: kiwen nena sitelen pi ma moli. toki: “mi kama moli.”
- leko #2: poka pi kiwen sitelen moli la luka pi kiwen walo sijelo li kama tan anpa ma. toki: “taso”
- leko #3: jan moli pi kiwen sijelo taso li kama tan anpa ma. toki: “pali wan taso li awen lon.”
- toki: “mi moli la mi ken ala awen e kulupu mi”
lipu #3
- leko #1: jan moli pi kiwen sijelo li tawa. ona li jo e palisa utala suli ona. “mi pini e jan mute. jan ante wan taso kin o pini.”
- leko #2: jan moli li kama lon tomo. tomo li jo e supa lape e sitelen pi kulupu mama: jan suli tu en jan lili wan. toki: “mi lon. pali mi li ken kama lon.
lipu #4
- leko #1: jan lili pi sin mute li lape suwi. toki: “pali li wile ala e wawa. pali li lili.”
- leko #2: jan moli li lukin e jan lili lon anpa ona. toki: “jan wan taso o pini. mi pali la jan ni li ken kama pini.”
lipu #5
- jan moli li tawa weka. toki: “pali mi li pini. ni la jan wan kin li pini. ona li seme? jan ni li seme?”
lipu #6
- toki: “mi. sina awen. mi pini. pali pini la mi pana e ilo mi. sina o awen e kulupu.”
- palisa utala suli pi jan moli li lon poka pi sitelen kulupu. jan moli li moli ala e jan lili; ona li pana e ilo utala tawa jan lili ona.
lipu #7
- kiwen nena sitelen pi ma moli li jo e sitelen pi nimi ‘pini.’