< o tawa lipu pini: kijetesantakalu en ma kasi o tawa lipu kama: lawa toki pi toki Inli >
lipu #1
- leko #1: ijo li toki: “o kama jo e ijo pona kepeken mani lili!” ijo pona mute li ken… telo nasa, sike lili nasa, misikeke nasa
- leko #2: jan wan li pana e sike lili misikeke pona tawa uta. moku! ona li kama pilin pona sewi a, sitelen lili pilin en sitelen mun lili li kama tan lukin ona. jan ni li kepeken len pali ni: len lipu palisa lili li kama tan anpa lawa lon sinpin pi len sijelo ante. ni li len mije pi nasin esun.
- leko #3: jan pi len esun li lon tomo pali. nimi pi tomo pali li “pali pona.” jan li lon poka pi ilo pali suli a. ilo ni li nasin e pali kepeken nasin ni: jan ale li awen lon linja; supa nasin tawa en nasin lupa mute pi tawa sewi pi tawa anpa li tawa e ijo tawa poka wile; ijo li kama lon sinpin jan la jan ni li pana e pali wan sin. jan ante li pali ante. open linja la ijo li pini ala. pini linja la ijo li pini. jan pi len pali li pilin e ni: pali li ike mute.
- leko #4: lon sewi pi palisa suli la ilo kalama li mu wawa: “tenpo pali li pini la o kama jo e mani pali sina.” jan mute pi pilin ike li awen lon linja. ona ale li kepeken len sama pi anpa lawa li awen sewi e luka wan lon sinpin sijelo.
- leko #5: kiwen sike mani wan taso li kama lon luka pi jan pali. ike a.
lipu #2:
- leko #1: tenpo pimeja. mun suli li lon sewi. jan wan pi pilin ike li tawa tomo esun kepeken ilo tawa wawa. nimi pi tomo esun li “esun pona.”
- leko #2: ona li kama lon esun li toki tawa jan e ni: “o pana e ijo pona.” jan pi tomo esun li kepeken len esun sama pi anpa lawa. ona li toki: “ni li mani wan.”
- leko #3: jan li moku e sike lili misikeke pona la pilin ike li weka tan ona. moku a!
- leko #4: pilin nasa a li kama…. o lukin e sitelen pilin, e sitelen mun lili!
- leko #5: jan li tawa weka esun kepeken ilo tawa. sinpin suli pi poka nasin li toki e ni: “poka ni la o tawa tomo pi pali pona.” jan li toki insa mute, “o tawa pali sin…”
lipu #3:
- leko #1: jan li toki insa mute mute e sike ike. “mi pilin pona la mi tawa ‘pali pona’ la mi pilin ike la mi kepeken ijo pona la mi pilin pona la mi tawa ‘pali pona’ la mi pilin ike la mi tawa…. sike li ike a! pakala a!”
- leko #2: o tawa poki jaki! jan li weka e poki pi sike misikeke pona mute.
- leko #3: noka ona li ken ala ken awen tawa weka?
- leko #4: lon sewi pi kasi suli la, len lipu palisa pi nasin esun li awen.
lipu #4:
- leko #1: lon anpa pi mun suli la jan pi pilin pona li moku e kala pona lon poka pi seli kasi.
- leko #2: pini. omekapo.