lawa toki pi toki Inli

lipu #1

• nimi lipu: lawa toki pi toki Inli
• jan tu li lon: mama en jan lili. jan lili li lon anpa. ken la ona li pilin anpa? mama li open e toki: “toki, jan lili o! tomo sona la, sona seme li sin?” jan lili li toki: “jan suli li kama pana e sona pi toki ante tawa jan lili.” mama: “musi! toki ni li seme?” jan lili: “ona li toki Inli. ona o kepeken nimi pi mute mute.”

lipu #2:

• leko #1: mama li kute e toki li pilin wawa; sitelen loje tu li toki e pilin wawa ona. mama li toki: “a!!! mi sona e toki ni!”
• leko #2: mama li kama lon poka pi jan lili anpa li wile sewi e sijelo ona. mama li toki: “ona li nasa ala. mute nimi li suli ala. ijo ni taso li suli: sina o kepeken lawa toki ali.”
• leko #3: mama li kama ala sewi e jan lili li awen toki: “pona la, lawa toki pi toki Inli li sama lawa toki pi toki mi.” jan lili li toki: “ni li lon ala lon?”
• leko #4: mama li toki: “lon! o kama sona.”

lipu #3:

• leko #1: mama li tawa sewi, noka tu ona li tawa poka ante a. mama li toki: “nimi tu li lon poka la, nimi nanpa wan li ante e kon pi nimi nanpa tu. o lukin e nimi pi toki Inli e nimi sama pi toki ni.”
• leko #2: nimi nanpa wan pi toki Inli li sama nanpa tu pi toki ni. nimi ‘when’ li sama nimi ‘la’. nimi ‘of’ li sama nimi ‘pi’. nimi ‘is’ li sama nimi ‘li’. nimi ‘the’ li sama nimi ‘e’. nimi ‘and’ li sama nimi ‘en’. nimi ‘must’ li sama nimi ‘o’.

lipu #4:

• leko #1: mama li toki: “sina sona ala sona e lawa toki ni?” jan lili li kama lon noka ona li toki: “sona.”
• leko #2: mama li toki: “pona! sina jo ala jo e pali pi tenpo tomo?” jan lili li toki: “jo.” mama li toki: “suwi! jan lili o, kepeken toki Inli!” jan lili li toki: “mi ken.”
• leko #3: lon anpa la, linja toki ni li lon: “ona li pona la sina en mi o olin e soweli pi suwi mute.” lon sewi la, toki sama li lon toki Inli. nimi pi mute sama li lon sewi li lon anpa. “It is good when you and I must love the animal of much sweetness.” linja li wan e nimi sewi wan e nimi anpa wan; pini la linja tu ante tan ni: “much” pi toki sewi li sama “mute” pi toki anpa; “sweetness” pi toki sewi li sama “suwi” pi toki anpa.

lipu #5:

• leko #1: jan lili li sewi e luka li toki: “pali sina li nasa lili tawa mi. jan seme li open e sona sina?” mama li lape e sijelo ona li toki: “a a a! mi kama sona tan ni: mi lukin e lipu mute. mi pana e ante toki mute!”
• leko #2: lon sewi la “I emitted the room for you.” lon anpa la “mi pana e tomo tawa sina.” linja li wan e nimi pi toki tu.

lipu #6:

• leko #1: lon sewi la “Construction of green energy sources is hard.” lon anpa la “pali pi wawa laso li kiwen.” linja li wan e nimi pi toki tu; nimi “green” li sama nimi “laso”, nimi “energy sources” li sama nimi “wawa”.
• leko #2: mama li toki: “wawa! sina kin li ken toki Inli kepeken tenpo lili.” jan lili li toki: “taso mi sona ala e ante toki.” mama li toki: “ala! ike ala li tawa nasin mi.”

lipu #7:

• leko #1: lon sewi la “This song is very hip.” lon anpa la “kalama musi ni li poka mute.” nimi ‘This’ li sama nimi ‘ni’; nimi ‘kalama musi’ li sama nimi ‘song’; nimi ‘very’ li sama nimi ‘mute’; nimi ‘hip’ li sama nimi ‘poka’.
• leko #2: jan lili li toki: “sina toki ala toki tawa jan pi toki Inli?” mama li toki: “mi o toki tawa ona tan seme? jan ala li ken pona e sona suwi mi! tenpo ala la, kama sona li wile e pali mute.” jan lili li toki insa e ni tawa ona sama: “ante toki ni ali li jaki.”

lipu #8

• leko #1: lon sewi la “Your hearing is f*cking great!” lon anpa la “kute sina li pona unpa!”
• leko #2: lon sinpin la mama li toki insa e ni tawa ona sama: “mi wawa… mi o sitelen e lipu… mi o pana e sona lon lipu Wesi!” lon monsi la jan lili li toki: “toki tu la nimi wan li ken kepeken kon tu. ni li lon ala lon? sina pini e kute anu seme?”
• leko #3: jan lili li anpa e sijelo ona li weka e mama li toki: “sina ike, mama o! kute sina li ike unpa!”