(Click here to read in English)
utala musi lipu #MAMTT/#LTW/#LL
jan Lakuse li toki wawa e ni tawa kulupu pi toki pona: o pana e lipu sulisina e lipu lili sina tawa mi a! lipu o toki pona e ijo musi pi lon ala. sina ken lukin e ale pi toki wile ona lon ni.
kulupu li pana e lipu lili LLL!
kulupu li pana e lipu suli LLTT!
jan Tepo en jan Lakuse li pana e ona ale tawa lipu ni ‘utala.pona.la’ la kulupu li ken lukin e lipu.
sina wile la o lukin nasin pi pana pilin.
lipu seme li pona nanpa wan tawa kulupu?
lipu lili musi
- olin mute tan jan Jasun
- ma, telo, kon, seli: ijo tu tu pi lon ale, tan soweli Lapate
- sina seme?, tan kili potato
lipu suli musi
- mi jan, tan jan Seko
- mi wile e sona sin, tan jan Sepulon
- jan Eto li alasa e pipi, tan lipamanka
suno pi toki pona
suno pi toki pona la jan Lakuse li toki e pona pi lipu ale li toki e ni: lipu seme li pona nanpa wan!
sina ken kute e toki ona pi suno pi toki pona kepeken ilo Jutu. kin la sina ken lukin e ni: jan Lakuse li toki la ona li pana lukin e seme.
nasin CC-BY-SA 4.0 li lawa e lipu ale
o lukin e lipu lili ale lon ni
o lukin e lipu suli ale lon ni:
kepeken sitelen pona pi kule suwi, la o kama sona e ma pi jan Eto e pakala suli pi kulupu ona.
jan Eto li alasa e pipi (lili)
tan lipamanka
kasi li toki, la kasi li toki e ijo sama? jan nasa wan li kute e toki kasi, li kama sona e ona sama.
kasi li toki (lili lili)
tan kapesi Pake
utala suli ma li kama la moli en pakala li kama kin. nasin utala li sin tawa jan Muki. ona li ken ala ken wawa lon tenpo pi pilin ike suli?
kasi utala pi ma Tokono (suli lili)
tan jan Wilo
nimi li nimi e nimi tan nimi lon nimi. jan li toki e pilin mute tan nimi mute pi toki pona.
likujo (lili)
tan jan Peton
lon ma pi usawi mute la ijo ale lon li ken kama sona e nasin usawi. taso akesi loje suli wan li ken pakala e ale.
lon anpa pi sewi walo lon sewi pi telo suno (suli)
tan jan Ameki
lon poka pi jan olin la ale li pona lon poka telo... anu...
mi alasa e telo (lili)
tan ijo Wen
soweli li kama jan li kama sona e nasin kulupu kepeken toki pona. taso ken la, toki pona li len e nasin ike.
mi jan (suli)
tan jan Seko
sina pana e lipu tawa kulupu. taso nasin li mute, tomo li mute! lipu seme li tawa seme! aaa! o kama pana e lipu pona tawa poka wile!
mi pana e lipu (suli)
tan jan Ke Tami
lon ma nasa musi pi sona mute ala la jan Kasa li wile kama sona.
mi wile e sona sin (suli lili)
tan jan Sepulon
jan li ken pali e lipu kepeken nasin ni? jan wan ni li sona pona ala. taso ken la, ona li pali e lipu wan taso ala e lipu mute, la ona li ken kama pilin pona tan ike pi nasa olin.
nasin Lanpan (suli mute mute a)
tan kapesi Pake
ma kasi li toki e seme?.
toki pi ma kasi (lili)
tan ala Lojewalo
kapesi Pake li pali e lipu musi mute lili li toki e pilin mute.
toki musi pata (lili)
tan kapesi Pake
a, a, a! mun Kekan San li lawa ike e ale pi ma nanpa. nasin seme la jan lili wan pi ma nanpa li ken utala e ike a?
utala nanpa (lili lili)
tan nasa utala
seme a li moli e jan Menaka? ken la waso Ukami li waso sona pona. taso ken la, sona sina li suli tawa sona ona, jan lukin o!.
waso sona Ukami en monsuta pi kiwen pimeja (suli lili)
tan jan Jowi